બોલિવૂડ / આ એક્ટ્રેસનું ચોંકાવનારું નિવેદન સામે આવ્યું, કહ્યું- જો હું છત પર લટકેલી હાલતમાં મળી આવું તો....

• એક્ટ્રેસ પાયલ ઘોષે અનુરાગ કશ્યપ પર લગાવ્યા ગંભીર આરોપ
• એક્ટ્રેસે પોતાને ખતરો હોવાની વાત કહી
• હાલમાં જ પાયલે એક ચોંકાવનારી પોસ્ટ શેર કરી છે

પાયલ ઘોષે ઈન્સ્ટાગ્રામ અને ટ્વિટર પર એક પોસ્ટ શેર કરીને લખ્યું છે- અનુરાગ કશ્યપની વિરુદ્ધ મેં એક જાણીતા પોર્ટલને આ ઘટનાથી સંબંધિત ઇન્ટરવ્યૂ આપ્યો હતો અને પછી મને ખબર પડી કે આ માટે એ લોકોને કશ્યપની મંજૂરીની જરૂર હતી. તેણે આગળ લખ્યું- ભારત, જો હું છત પરથી લટકતી હાલતમાં જોવા મળી તો યાદ રાખજો કે મેં આત્મહત્યા કરી નથી. જોકે, તેની પાસે ડિપ્રેશન અને ડ્રગ્સવાળા નેરેટરની કહાની તૈયાર છે. પાયલ ઘોષે આ પોસ્ટ સાથે બે હેશટેગનો પણ ઉપયોગ કર્યો હતો. #NotGoingDown #MeToo.

 

 

 

 

View this post on Instagram

 

 

 

 

 

 

 

 

 

I have given an interview regarding the entire episode on Mr. Kashyap to a renowned portal and the next thing I get to know that they are seeking permission from Mr. Kashyap himself. India, if I am found hanging from the ceiling, remember this. I didn't commit suicide. They have the narrative ready of depression and medication. #NotGoingDown #metoo

A post shared by Payal Ghosh (@iampayalghosh) on Sep 23, 2020 at 1:46pm PDT

પાયલ ઘોષની આ પોસ્ટ સોશિયલ મીડિયા પર ખૂબ વાયરલ થઈ રહી છે. તેણે આ પોસ્ટ દ્વારા તેની હત્યા અંગે આશંકા વ્યક્ત કરી છે. પાયલે તેના આ નિવેદનથી બધાંને ચોંકાવી દીધા છે.

તમને જણાવી દઈએ કે, વર્સોવા પોલીસ સ્ટેશનમાં અનુરાગ કશ્યપ વિરુદ્ધ પાયલ ઘોષે ગંભીર આરોપો લગાવતા આઈપીસીની કલમ 376, 354, 341, 342 હેઠળ ફરિયાદ નોંધાવી છે. તેણે આરોપ લગાવ્યો કે ફિલ્મ નિર્માતા અનુરાગ કશ્યપે તેની છેડતીનો પ્રયાસ કર્યો હતો. કેસ નોંધાયા પછી અનુરાગ કશ્યપની મુશ્કેલીઓ વધી શકે છે.