ક્રાઇમ / આ તે કેવું! ઓવરમાં એક બોલ ઓછો ફેંક્યો તો બેટથી કર્યો હુમલો, યુવકનું થયુ મૃત્યુ

• ક્રિકેટ રમતા થઇ હતી માથાકુટ 
• એક બોલ ઓછો ફેંકવા પર કર્યો હુમલો
• 20 વર્ષીય યુવકનું થયુ મોત 

આપણે સૌ જાણીએ છીએ કે ક્રિકેટને સમગ્ર ભારતમાં ધર્મની જેમ પૂજવામાં આવે છે પરંતુ આ પૂજાએ એક યુવકનો જુવ લઇ લીધો છે. ક્રિકેટની રમતમાં એક મિત્રએ જ પોતાના મિત્રની હત્યા કરી દીધી હતી. 

ઇન્દોરની ઘટના 
આ ઘટના ઇન્દોરના મલ્હારગંજની છે. જ્યાં લાગેલા કરફ્યૂના સમયે યશ પોતાના પિતા દીલિપ જૈનને બહાર જવાનુ કહીને પોતાના મિત્રો જ્યાં ક્રિકેટ રમતા હોય છે ત્યાં જતો રહે છે. ક્રિકેટ રમતી વખતે શું થશે તેની જાણકારી તો યશને પણ નહોતી. 

મળતી માહિતી અનુસાર સ્કૂલના મેદાનમાં રમાનારી મેચે વિવાદનું રૂપ લઇ લીધુ અને ઓવરમાં એક બોલ ઓછો ફેંકાયો હોવા જેવી સામાન્ય વાતને લઇને વાત એટલી વકરી કે યશ જૈન પર કરણ શર્મા નામના યુવક દ્વારા હુમલો કરી દેવામાં આવ્યો હતો. રમત રમતમાં ક્રિકેટ બેટથી થયેલ હુમલામાં યશ ખુબ ખરાબ રીતે ઘાયલ થયો હતો કે ગંભીર થઇ ગયો હતો. જે બાદ યશને ઇન્દોરના ચોઇથરામ હોસ્પિટલમાં ઇલાજ માટે લઇ જવામાં આવ્યો હતો જ્યાં ઇલાજ દરમિયાન જ તેની મોત થઇ ગઇ હતી. બેટથી હુમલો કરનાર કિરણ શર્માને પોલીસે ઝડપી લીધો છે. 

મલ્હારગંજ પોલીસ સ્ટેશનના અધિકારીએ જણાવ્યું કે ક્રિકેટ રમતી વખતે આ વિવાદ થયો હતો જેમાં બેટથી યુવકને ઇજા પહોંચી હતી અને બાદમાં ઇલાજ દરમિયાન તેની મોત થઇ ગઇ હતી. તો પોલીસ પણ આગળની તપાસમાં લાગી ગઇ છે.