તમારા કામનું / ક્રેડિટ કાર્ડ યુઝર્સ જાણી લે નહીં તો એક ઝાટકે તમારું બેંક એકાઉન્ટ સાફ! બચવા માટે આજથી જ ફૉલો કરો આ સ્ટેપ્સ

• તમે પણ ક્રેડિટ કાર્ડનો ઉપયોગ કરો છો?
• ક્રેડિટ કાર્ડની છેતરપિંડીથી બચવા માટેની કેટલીક ટિપ્સ
• બિલ અને રોજિંદા ખર્ચ માટે અલગ કાર્ડ રાખો

છેલ્લા થોડા વર્ષોથી ક્રેડિટ કાર્ડ ફ્રોડના કિસ્સા વધી રહ્યા છે અને એવામાં જો તમે પણ ક્રેડિટ કાર્ડનો ઉપયોગ કરો છો તો તેની સુરક્ષાને લઈને આ જાણકારી રાખવી ઘણી જરૂરી છે. તમારી પાસ ક્રેડિટ કાર્ડ છે તો આવી થોડી વાતોનું ધ્યાન રાખીને ક્રેડિટ કાર્ડ ફ્રોડથી બચી શકાય છે. ચાલો જાણીએ ક્રેડિટ કાર્ડની છેતરપિંડીથી બચવા માટેની કેટલીક ટિપ્સ.

કોઈ સાથે ક્રેડિટ કાર્ડની ડિટેલ્સ શેર ન કરો 
તમે પણ ક્રેડિટ કાર્ડનો ઉપયોગ કરો છો તો ક્રેડિટ કાર્ડ પિન, ઈન્ટરનેટ બેન્કિંગ પાસવર્ડ કે મોબાઈલ બેન્કિંગ પાસવર્ડ ક્યારેય કોઈની સાથે શેર કરશો નહીં. ભલે એ કોઈ મિત્રો હોય કે પરિવારના સભ્યો પણ ક્રેડિટ કાર્ડની આ વિગતો શેર ન કરવી જોઈએ. આ બધા સિવાય જો ક્રેડિટ કાર્ડની માહિતી શેર કરવા માટેનો કોઈ મેસેજ અથવા ઈમેલ મળે તો એ સમયે પણ કોઈ માહિતી શેર ન કરવી જોઈએ. જણાવી દઈએ કે બેંકો અથવા નાણાકીય સંસ્થાઓ ક્યારેય આવી વિગતો માંગતી નથી.

કાર્ડ પર લિમિટ લગાવો 
ક્રેડિટ કાર્ડનો ઉપયોગ કરતાં લોકો જાણે છે કે તેઓ ખર્ચની લિમિટ પણ સેટ કરી શકો છો. જણાવી દઈએ કે ATM વપરાશ, મર્ચન્ટ આઉટલેટ સ્વાઇપ, ઓનલાઈન ટ્રાન્ઝેક્શન, કોન્ટેક્ટલેસ ઉપયોગ અને આંતરરાષ્ટ્રીય વ્યવહાર મર્યાદા માટે અલગ મર્યાદા સેટ કરી શકાય છે એટલે આ સુવિધાનો સમજદારીપૂર્વક ઉપયોગ કરવો જોઈએ. 

બિલ અને રોજિંદા ખર્ચ માટે અલગ કાર્ડ રાખો
ઘણા લોકો પાસે એક કરતાં વધુ ક્રેડિટ કાર્ડ હોય છે, તો એવામાં સમજદારી પૂર્વક એક કાર્ડને ઓટોમેટિક પેમેન્ટ જેવા ફોન બિલ, માસિક સબ્સ્ક્રિપ્શન, EMI વગેરે માટે ઉપયોગ કરો. બીજા કોઈપણ ખર્ચ માટે આ કાર્ડનો ઉપયોગ ન કરવો જોઈએ. ખાસ કરીને આ કાર્ડ રિટેલ કાર્ડ રીડર્સ, રેસ્ટોરન્ટ માલિકો અથવા પેટ્રોલ પંપના કર્મચારીઓથી સુરક્ષિત રાખવું જોઈએ. 

અલર્ટ રહો
તમારા ક્રેડિટ કાર્ડનું બિલ દર મહિને ચેક કરો. કોઈપણ ભૂલ, ખોટા ચાર્જ કે ટ્રાન્જેક્શનથી બચવા માટે આ આ જરૂરી છે.