અમદાવાદ / ઓનલાઈન સૅલમાંથી ખરીદી કરતા હોય તો ખાસ વાંચી લો, IIM ના વિદ્યાર્થી સાથે જે બન્યું તે જાણી ચોંકી જશો

• અમદાવાદના વિદ્યાર્થીને ફ્લિપકાર્ટનો કડવો અનુભવ
• લેપટોપનો ઓર્ડર કર્યો તો બોક્સમાંથી સાબુ નીકળ્યું
• કંપનીએ નો રિટર્ન પોલિસીનું કારણ ધરી હાથ ઊંચા કરી દીધા

અમદાવામાં ઈ-કોમર્સ વેબસાઈટ ફ્લિપકાર્ટ પરથી લેપટોપનો ઓર્ડર કર્યા બાદ જેમાં સાબુ નીકળતા હોબાળો મચી ગયો હતો.  યુવાને પોતાના પિતા માટે લેપટોપનો ઓર્ડર કર્યો હતો. આ દરમિયાન કંપનીને ફરિયાદ કરી હતી. પરંતુ  કંપનીએ નો રિટર્ન પોલિસીનું કારણ ધરીને કાર્યવાહી કરવાને બદલે હાથ ઊંચા કરી દીધા હતા. અમદાવાદના યશસ્વી શર્મા નામના વિદ્યાર્થીએ ફ્લિપકાર્ટ પર બિગ બિલિયન ડે સેલ દરમિયાન તેના પિતા માટે લેપટોપ મંગાવ્યું હતું. '

બોક્સ ખોલ્યું તો ડિટર્જન્ટ બારની ગોળીઓ નીકળી
ત્યારબાદ ડિલિવરી બોય પાસેથી ઓર્ડર લીધા બાદ તેના પગ નીચેથી જમીન સરકી ગઇ હતી. બોક્સ ખોલ્યું તો તેમાંથી ડિટર્જન્ટ બારની ગોળીઓ નીકળી હતી. જે ને  લઇને યશસ્વીએ લિંક્ડઇન પર આ ઘટનાનું વર્ણન કર્યું હતું. તેણે જણાવ્યું કે ફ્લિપકાર્ટ કસ્ટમર કેરમાં આ અંગે ફરિયાદ કરી  ત્યારે કંપનીએ પણ પોતાની ભૂલ સ્વીકારવાનો ઈન્કાર કરી દીધો હતો. જો કે યશસ્વીએ ડિલિવરીના સીસીટીવી ફૂટેજનું પણ કહ્યું હતું, પરંતુ કંપનીએ નો રિટર્ન પોલિસીનું કારણ આગળ ધરી દીધું હતું. 

યશસ્વીએ પોતાની ભૂલ સ્વીકારી 
આ મામલે યશસ્વીએ પોતાની ભૂલ સ્વીકારી લખ્યું કે બોક્સ ડિલિવરી બોયની સામે ખોલવું જોઈતું હતું. પરંતુ મારા પિતા ફ્લિપકાર્ટના ઓપન બોક્સ ડિલિવરીના ખ્યાલથી વાકેફ ન હતા. અને ઓટીપી લેતી વખતે ડિલિવરી બોયએ પોતાના વિશે જણાવ્યા વગર OTP લઈને જતો રહ્યો હતો. તેમના ગયા પછી પિતાએ બોક્સ ખોલ્યું અને લેપટોપને બદલે સાબુની પેટી મળી હતી.  ત્યારબાદ તેમની પાસે ડિલિવરી અને પેકેજ ઓપનિંગ બંનેના CCTV ફૂટેજ હોવા છતાં, કંપનીએ તેને સ્વીકારવાનો ઇનકાર કર્યો છે. જેને લઇને હવે  યશસ્વીએ સોશિયલ મીડિયા દ્વારા આ મામલો ઉઠાવ્યો છે અને પોતાની પોસ્ટમાં ફ્લિપકાર્ટના સીઈઓ કલ્યાણ કૃષ્ણમૂર્તિ અને કેન્દ્રીય મંત્રી પીયૂષ ગોયલને પણ ટેગ કર્યા છે.