અભૂતપૂર્વ ઘટના / યુદ્ધથી પણ મોટો ખતરો! બે વિશાળ બ્લેકહૉલ આપસમાં અથડાશે, 'સમયચક્ર' બદલી નાખે તેવી શક્યતા

• બ્લેક હોલની ટક્કરથી અવકાશના સમય ચક્રમાં મોટા ફેરફારની આશંકા
• બ્લેક હોલ પૃથ્વીથી લગભગ 900 કરોડ પ્રકાશ વર્ષ દૂર
• બંને એકબીજાની ચોતરફ દર બે વર્ષે એક ચક્કર લગાવે છે

બે વિશાળકાય બ્લેક હોલ અથડાવવાના આરે 

નાસાના એક નિવેદન મુજબ, બંને સતત છેલ્લાં 10 કરોડ વર્ષોથી એકબીજીની તરફ વધી રહ્યાં છે. હવે આ બંને એક બાઈનરી ઑર્બિટમાં આવી ચૂક્યા છે. વૈજ્ઞાનિકો મુજબ, બંને એકબીજાની ચોતરફ દર બે વર્ષે એક ચક્કર લગાવે છે. એસ્ટ્રોફિજિકલ જર્નલ લેટર્સમાં પ્રકાશિત અભ્યાસ મુજબ, 10 હજાર વર્ષ બાદ બંને બ્લેક હોલ્સ નજીકમાં મળી જશે. જેને અથડાવાથી નિકળતી ગુરૂત્વાકર્ષણની લહેરો અવકાશના સમય ચક્રને બદલી શકે છે. 

આલ્બર્ટ આઈન્સ્ટાઈને પહેલા કરી હતી ભવિષ્યવાણી

મહાન વૈજ્ઞાનિક આલ્બર્ટ આઈન્સ્ટાઈને પહેલા જ અંતરિક્ષના સમયમાં ફેરફારની ભવિષ્યવાણી કરી દીધી હતી. વૈજ્ઞાનિક ભાષામાં સુપરમેસિવ કહેવાતા બ્લેક હોલ્સ ખૂબ જ ઉંડા, ગાઢ અને સૂર્યથી કરોડ ગણા વધુ શક્તિશાળી અને મોટા હોય છે. આ સામાન્ય રીતે દરેક આકાશગંગાના મધ્યમાં જોવા મળે છે. જો કે, અંતરિક્ષના વૈજ્ઞાનિકોની પાસે હજી બ્લેક હોલ નાનાથી મોટા થવાનું કોઈ સચોટ કારણ નથી. પરંતુ પીકેએસ 2131-021ના અભ્યાસના આધારે તેની જાણકારી મેળવી શકાય છે. 

ચાર્જ થયેલ કણ પૃથ્વી તરફ ફેંકાય છે

પીકેએસ 2131-021 એક ખાસ પ્રકારનો બ્લેક હોલ છે, જેને બ્લાજાર કહે છે. એવો બ્લેક હોલ છે, જે અત્યંત ચાર્જ થયેલા કણોનું એક મોજું સીધુ ધરતી તરફ ફેંકી રહ્યું છે. આ જેટના પદાર્થોનું નિર્માણ ગરમ ગેસની વચ્ચે થાય છે. જ્યારે શક્તિશાળી ગુરૂત્વાકર્ષણની શક્તિના કારણે આ ગેસ અંતરિક્ષમાં બહાર નિકળે છે તો પ્રવાહનુ રૂપ બનાવી લે છે. એટલેકે ગરમ પ્લાજ્માનુ એક પાતળુ કિરણ પ્રકાશની ગતિ મુજબ અવકાશમાં તરે છે.