દિલ્હીના મુખ્યમંત્રી અરવિંદ કેજરીવાલે રસીકરણની ગતિ વધારવાની સાથે દરેકને કોરોનાની રસી લેવાની અપીલ કરી હતી.
અરવિંદ કેજરીવાલનું મોટું નિવેદન
રસીકરણને લઈને કર્યું આપ્યું નિવેદન
જો કેન્દ્ર મંજૂરી આપે તો 3 મહિનામાં બધાનું રસીકરણ શક્ય : કેજરીવાલ
મહત્વનું છે કે બુધવારે દિલ્હીમાં 536 પોઝિટિવ કેસ હતા અને પોઝિટિવિટી રેટ 0.66 ટકા નોંધાયું હતું. મહત્વનું છે કે દિલ્હીના મુખ્યમંત્રી અરવિંદ કેજરીવાલે કોરોનાની રસી લેવાની દરેક દિલ્હીવાસીને અપીલ કરી હતી.
જો કેન્દ્ર મંજૂરી આપે તો ત્રણ મહિનામાં રસીકરણ થઈ શકે છે
દિલ્હીના મુખ્ય પ્રધાન અરવિંદ કેજરીવાલે ગુરુવારે કહ્યું હતું કે, જો કેન્દ્ર સરકાર તેમને મંજૂરી આપે તો તે 18 વર્ષથી ઉપરના તમામ લોકોને કોરોના રસીકરણને ત્રણ મહિનામાં પૂર્ણ કરી શકે છે. મુખ્યમંત્રીએ કહ્યું કે જો સીધા ઇમ્યુનાઇઝેશન સેન્ટરમાં જવાની આ સ્વતંત્રતા આપવામાં આવે તો શક્ય છે. કેજરીવાલે આ જવાબ રાજધાની દિલ્હીમાં કોરોનાના વધતા જતા કેસોની સ્થિતિ વચ્ચે આપ્યો છે.
દિલ્હીના મુખ્યમંત્રી અરવિંદ કેજરીવાલે રસીકરણની ગતિ વધારવાની સાથે દરેકને આનો ડોઝ લેવાની અપીલ કરી હતી. કેજરીવાલે કહ્યું કે હું કોરોના રસી લેવાને યોગ્ય છે તે બધાને વિનંતી કરું છું. હાલમાં, દિલ્હીમાં દરરોજ 30 થી 40 હજાર લોકોનું રસીકરણ થઈ રહ્યું છે. આપણે તેને વધારીને દરરોજ 1.25 લાખ કરી શકીએ છીએ. આગામી કેટલાક દિવસોમાં, અમે અમારી ક્ષમતા વધારવા પર ધ્યાન કેન્દ્રિત કરીશું. રસીકરણની અવધિ પણ રાત્રે 9 વાગ્યા સુધી વધારવામાં આવશે.
રસી અંગે કોઈ પણ શંકા નથી
દિલ્હીના મુખ્યમંત્રીએ કહ્યું, રસી અંગે સંકોચ અથવા આશંકા માટે કોઈ કારણ નથી. મેં અને મારા માતાપિતાએ પણ કોરોનાની રસી લીધી છે. રસીકરણ અંગે કેન્દ્રએ માર્ગદર્શિકા બહાર પાડી છે, પરંતુ તેમાં ઘણા બધા સંકુશો મૂકવામાં આવ્યા છે. રસીકરણને બે મહિના થઈ ચૂક્યા છે, માટે હવે રસીકરણને પૂરી રીતે ખોલી નાખવાની જરૂર છે.
17 માર્ચે દિલ્હીમાં 500 થી વધુ કોરોના કેસ મળી આવ્યા હતા. એક અઠવાડિયામાં દિલ્હીમાં લગભગ 3000 નવા કેસ નોંધાયા છે. તેને ધ્યાનમાં રાખીને મુખ્યમંત્રીએ ઇમરજન્સી બેઠક બોલાવવાનું નક્કી કર્યું છે. સરકાર કેટલાક વિસ્તારોમાં કડક પ્રતિબંધ લાદવાના નિર્ણય લઈ શકે છે. બુધવારે દિલ્હીમાં 536 પોઝિટિવ કેસ હતા અને પોઝિટિવિટી રેટ 0.66 ટકા હતો. જો કે, છેલ્લા 2 મહિનાથી, પોઝિટિવિટી રેટ 1 ટકાથી નીચે છે. હજી પણ દિલ્હી સરકાર સૌ લોકોને કોરોના ગાઈડલાઇનનું પાલન કરવાની અપીલ કરી રહી છે.