ખતરો / છત્તીસગઢમાં થયો IED બ્લાસ્ટ, એક SSB જવાન ઘાયલ, દેશભરમાં વિવિધ સ્થળોએથી મળી રહ્યા છે વિસ્ફોટકો

• છત્તીસગઢના કાંકેર જિલ્લામાં કોસરોંડા કેમ્પ પાસે IED બ્લાસ્ટ
• 33 બટાલિયનનો એક SSB જવાન ઘાયલ
• નક્સલીઓ સાથેની અથડામણમાં બની હતી ઘટના 

એક તરફ આજે દિલ્હી, પંજાબ અને શ્રીનગરમાંથી IED વિસ્ફોટકો મળી આવ્યા હતા તો બીજી તરફ છત્તીસગઢના કાંકેર જિલ્લામાં કોસરોંડા કેમ્પ પાસે IED બ્લાસ્ટ થયો હતો જેમાં 33 બટાલિયનનો એક SSB જવાન ઘાયલ થયો હતો. 

Chhattisgarh | One SSB jawan of 33 Batallion injured in an IED blast, following a brief exchange of fire near Kosronda camp in Kanker district: SP Shalabh Sinha, Kanker

— ANI (@ANI) January 14, 2022

નક્સલીઓ પ્રેરિત હુમલો 

છત્તીસગઢના કાંકેર જિલ્લામાં કોસરોંડા કેમ્પ નજીક ટૂંકા ગોળીબાર પછી 33 બટાલિયનનો એક SSB જવાન ઘાયલ થયો હતો. 

કાંકેરના એસપી શલભ સિન્હાએ આ જાણકારી આપી હતી. વિસ્ફોટ બાદ જવાનો અને નક્સલવાદીઓ વચ્ચે એન્કાઉન્ટર શરૂ થયું હતું. તાડોકી પોલીસ સ્ટેશન વિસ્તારના કોસરુંડા કેમ્પ પાસે નક્સલીઓએ સર્ચીંગ પાર્ટી પર હુમલો કર્યો હતો.

જવાનને બચાવવાના પ્રયાસો ચાલુ 

વિસ્ફોટમાં ઘાયલ થયેલા જવાનને બહાર કાઢવાના પ્રયાસો કરવામાં આવી રહ્યા છે. એસપી શલભ સિન્હાએ ઘટનાની પુષ્ટિ કરી છે. 

ઉલ્લેખનીય છે કે આ વિસ્તારમાં આ પ્રકારની અથડામણ થતી જ રહેતી હોય છે હજુ થોડા સમય પહેલા જ નક્સલીઓએ એક ગ્રામવાસીણી ગોળી મારીને હત્યા કરી નાખી હતી. આ હત્યા ભરબજારે કરવામાં આવી હતી.