ગુડ ન્યૂઝ / કોરોનામાં વધુ એક પહેલઃ હવે આ બેંક પોતાના ગ્રાહકોને આપી રહી છે ફ્રી રાશન, જાણો કેવી રીતે મળી જશે લાભ

• IDFC FIRST Bankની ખાસ પહેલ
• બેંક આપી રહી છે ગ્રાહકોને ફ્રીમાં રાશન
• ફ્રી રાશન કિટ મેળવવા માટે કરવાનું રહેશે આ કામ

કોરોના વાયરસની બીજી લહેરથી જનજીવન ખૂબ જ પ્રભાવિત થયું છે ત્યારે IDFC FIRST Bankએ પોતાના ગ્રાહકોને કર્મચારીઓને માટે એક ખાસ પહેલ શરૂ કરી છે. બેંક પોતાના ગ્રાહકોને ફ્રીમાં રાશન આપશે. બેંકે ઘર ઘર રાશન કાર્યક્રમની શરૂઆત કરી છે. આ કાર્યક્રમના આધારે બેંક કોરોનાના કારણે મૃત્યુ પામેલા કર્મચારીના પરિવારોની મદદ અને ઓછી આવકવાળા ગ્રાહકોની મદદ કરશે. 

 
કર્મચારી ફંડથી શરૂ કરાઈ છે પહેલ, શું હશે કિટમાં
ઘર ઘર રાશન કાર્યક્રમમાં બેંકના હાલના કર્મચારીઓએ કોરોના કસ્ટમર કેર ફંડની મદદથી યોગદાન આપ્યું છે. બેંકની આ સુંદર શરૂઆતમાં પહેલા 50000થી ઓછી આવક વાળા ગ્રાહકોને પસંદ કરાશે અને સાથે કોરોનાના કારણે જેઓ વધારે પ્રભાવિત થયા છે તેમને મદદ કરાશે. આ પ્રકારના ગ્રાહકોને રાશન કિટની સુવિધા આપવામાં આવી રહી છે. આ રાશન કિટમાં 10 કિલો લોટ/ચોખા, 2 કિલો દાળ, 1 કિલો ખાંડ અને 1 કિલો મીઠું, 1 કિલો તેલ, મસાલાના 5 પેકેટ, ચા અને બિસ્કિટ છે. તેમાં એક નાના પરિવારને મદદ માટે લગભગ 1 મહિનાની જરૂરિયાતનો સામાન છે.  
 

કર્મચારી ઘરે ઘરે જઈને આપી રહ્યા છે રાશન
બેંકની તરફથી વહેંચવામાં આવી રહેલી આ કિટને લઈને સીધા નજીકની શાખાનો સંપર્ક કરી શકાય છે. ગ્રામીણ સ્થાનોમાં, રાશન કિટ કર્મચારીઓ દ્વારા ઘરે ઘરે જઈને વિતરણ કરાય છે અને શહેરી સ્થાનોમાં કર્મચારી રૂપેના પ્રીપેડ કાર્ડ આપે છે. મહારાષ્ટ્ર, રાજસ્થાન અને હરિયાણામાં 100 રાશન કિટ સફળતા પૂર્વક વિતરિત કરાઈ ચૂકી છે.