ડેટા / IDEA યૂઝર્સ માટે ખાસ ઑફર, 1 વર્ષ સુધી ફ્રીમાં મળશે ડેટા-કૉલિંગની સુવિધા

વોડાફોન આઈડિયા લિમિટેડે આઈડિયાના ગ્રાહકો માટે નવી પ્રિ-પેડ ઓફર લોન્ચ કરી છે. આ ઓફરમાં ગ્રાહકને આખું વર્ષ ફ્રી ડેટા, રોજના 100 SMSઅને કોલિંગની સુવિધા મળશે. યુઝરને રોજનો 1.5 GB 4G ડેટા મળશે

જો કે, આ ઓફરનો લાભ ઉઠાવવા માટે કંપનીએ સિટી ક્રેડિટ કાર્ડ ખરીદવાની શરત પણ મૂકી. પ્લાનની વિસ્તૃત માહિતી કંપનીએ તેની વેબસાઈટ પર મૂકી છે. જે ગ્રાહક આ ઓફરનો ફાયદો લેવા માગે છે, તેમણે આઈડિયાની વેબસાઈટ ideacellular.com પર જઈને સિટી ક્રેડિટ કાર્ડ માટે એપ્લાઈ કરવાનું રહેશે. કસ્ટમરને જ્યારે આ કાર્ડ મળી જાય છે તેના 30 દિવસની અંદર ફરજિયાત 4000 રુપિયાની ખરીદી કરવાની રહેશે. ગ્રાહક શોપિંગ અલગ-અલગ જગ્યાએ કરી શકે છે.

30 દિવસમાં પ્લાન ચાલુ:

ગ્રાહકની 30 દિવસમાં 4000 રુપિયાની ખરીદી બાદ આઈડિયા સિમ પર ઓફર એક્ટિવ થઈ જશે. આ ઓફરની વેલિડિટી 31 જુલાઈ,2019ના રોજ પૂરી થશે.

માત્ર આઈડિયાના ગ્રાહકો:

આઈડિયાની આ ઓફરનો લાભ એ ગ્રાહકો જ ઉઠાવી શકશે, જે યુઝર કંપનીનું સિમકાર્ડ વાપરે છે. ઓફર માટે ગ્રાહકને IOC,કેશબેક, રિવૉર્ડસ્ અને પ્રીમિયર માઇલ્સ ક્રેડિટ કાર્ડ લેવાનું રહેશે.

15 શહેરો:

આ ઓફરનો ફાયદો દિલ્હી, નોઈડા, ગુરુગ્રામ, મુંબઈ, બેંગલોર, પુણે, હૈદરાબાદ, કોલકાતા, અમદાવાદ, સિકંદરાબાદ, ચેન્નઈ, વડોદરા, જયપુર, કોઇમ્બતુર અને ચંડીગઢનાં જ યુઝરને મળશે.

એપ્લાઈ કેવી રીતે કરશો?

-આઈડિયાની ઓફિશિયલ વેબસાઈટ ideacellular.com ને ઓપન કરો.

-તેમાં ઓફરવાળા પેજ પર ક્લિક કરો.

-આ પેજ પર ક્રેડિટ કાર્ડ માટે એપ્લાઈ કરવાનું ઓપ્શન આવશે, જેમાં નામ, મોબાઈલ નંબર, ઉંમર, પ્રોફેશન, વાર્ષિક આવક, પિનકોડ અને શહેરનું નામ ભરવાનું રહેશે.

- ત્યારબાદ તમારા નંબર પર એક OTPઆવશે, જે સબમિટ કર્યા બાદ ક્રેડિટ કાર્ડ માટે એપ્લાઈ કરવાની પ્રોસેસ પૂરી થશે.