Ideaએ લોન્ચ કર્યો ધમાકેદાર પ્લાન 150થી પણ ઓછામાં મળશે 33GB ડેટા

આઇડિયાએ જીયો અને એરટેલ કરતા પણ ધમાકેદાર પ્લાન રજૂ કર્યો છે. આઇડિયાનાં આ પ્લાનની કિંમત 149 રૂપિયા છે અને આ પ્લાનમાં 33GBડેટા મળે છે. 

ડેટા ઉપરાંત આડિયાનાં આ પ્લાનમાં અનલિમિટેડ કોલિંગ અને મેસેજ પણ મળે છે જોકે આડિયાનો આ ધમાકેદાર પ્લાન હાલમાં કર્ણાટક આંધ્ર-પ્રદેશ અને તેલંગણામાં ઉપલબ્ધ છે.

આઇડિયાના આ 149 રૂપિયાવાળા પ્લાનની ખાસિયતની વાત કરીએ તો તેમાં 28 દિવસની વેલીડિટી મળે છે. આ ઉપરાંત આ પ્લાનમાં રોજ 100 SMS પણ મળે છે.

જોકે આ પ્લાનમાં દરરોજ 250 મિનિટ કોલિંગ કરી શકાય છે અને અઠવાડિયામાં 1000 મિનિટ. તમને જણાવી દઇએ કે એરટેલ અને જીયો પાસે પણ 149 રૂપિયાના પ્લાન છે. 

હવે જીયોના 149 રૂપિયાવાળા પ્લાનની વાત કરીએ તો આ પ્લાનમાં 28 દિવસ સુધી રોજ 1.5GB ડેટા એટલે કુલ 42GB ડેટા મળે છે. જીયોના આ પ્લાનમાં પણ રોજ 100 SMS મળે છે. જીયોના આ પ્લાનનો લાભ એ છે કે તેમાં કોલિંગની કોઈ સીમા નથી.

હવે એરટેલના 149 રૂપિયાના પ્લાનની વાત કરીએ તો આ યોજનામાં 28 દિવસ સુધી રોજ 1GB ડેટા મળે છે અને સાથે સાથે 100 SMS પણ મળે છે. આઈડિયા જીયોથી ઓછુ પરંતુ એરટેલથી વધુ ડેટા આપે છે.