બેંકિંગ / ICICI બેંકના ગ્રાહકો માટે સારાં સમાચાર, બેંકે FD પર આ સ્પેશિયલ સ્કીમ શરૂ કરી

• ICICI બેંકે ગોલ્ડન યર્સ એફડીના નામની સ્કીમ લોન્ચ કરી
• આ સ્કીમ ખાસ કરીને વરિષ્ઠ નાગરિકો માટે છે
• આ સ્કીમ માત્ર 20 મેથી 21 સપ્ટેમ્બર સુધી માટે જ શરૂ કરવામાં આવી છે

બેંકે આ સ્કીમનું નામ ICICI બેંક ગોલ્ડન યર્સ એફડી નામ રાખ્યું છે. આ સ્કીમ હેઠળ જો કોઈ સીનિયર સિટીઝન 5થી 10 વર્ષ માટે 2 કરોડ રૂપિયાની એફડી કરાવે છે તો તેને વાર્ષિક 6.55 ટકા વ્યાજ મળશે. ICICI બેંકના અધિકારી પ્રણવ મિશ્રએ કહ્યું કે, અમે વરિષ્ઠ નાગરિકોના સંબંધને પ્રાધાન્ય આપીએ છીએ.

વરિષ્ઠ નાગરિકો માટે ઈન્કમનું સાધન છે એફડી

મિશ્રએ કહ્યું- ઘણાં વરિષ્ઠ નાગરિકો માટે એફડીનું વ્યાજ જ ઈન્કમનું એકમાત્ર સાધન છે. આ વાતને ધ્યાનમાં રાખીને અમે આ સ્કીમ લોન્ચ કરી છે. જેથી વરિષ્ઠ નાગરિકોના હાઈ ઈન્ટરસ્ટ રેટ ઓફર કરી શકાય. 

જનરલ એફડી કરતા 0.80 ટકા વધુ વ્યાજ

આ સ્કીમ માત્ર 20 મેથી 21 સપ્ટેમ્બર સુધી જ ઓફર કરવામાં આવશે. એટલે કે 21 સપ્ટેમ્બર બાદ જો કોઈ વરિષ્ઠ નાગરિક આ સ્કીમ લેવા માગશે તો નહીં મળે. આ સ્કીમમાં જનરલ એફડી કરતા 0.80 ટકા વધુ વ્યાજ મળશે.