ICICI બેંકના ભૂતપૂર્વ CMD અને CEO ચંદા કોચરના પતિ દીપક કોચરની એન્ફોર્સમેન્ટ ડિરેક્ટોરેટ (ED) દ્વારા ધરપકડ કરવામાં આવી છે. ICICI બેંકની દેવાદાર કંપની વીડિયોકોન ઈન્ડસ્ટ્રીઝ દ્વારા દીપક કોચરની કંપનીમાં રોકાણને લઈને તપાસ ચાલી રહી હતી.
ICICI બેંકના પૂર્વ CEO ચંદા કોચરના પતિ દીપક કોચરની ધરપકડ
ICICI-વીડિયોકોન રોકાણ મામલે EDએ કરી કાર્યવાહી
EDએ કોચરની લગભગ 78 કરોડ રૂપિયાની સંપત્તિ પણ ટાંચમાં લીધી
ICICI-વીડિયોકોન રોકાણ મામલે ચાલી રહેલી તપાસમાં ED અધિકારી દીપક કોચરની પૂછપરછ પણ કરી રહ્યાં હતાં. હવે ખબર આવી રહી છે કે દીપક કોચરની ધરપકડ કરી લેવામાં આવી છે.
એન્ફોર્સમેન્ટ ડિરેક્ટોરેટે દિપક કોચર વિરુદ્ધ વીડિયોકોન ઇન્ડસ્ટ્રીઝને અપાયેલી લોનના દુરૂપયોગ માટે પણ કેસ નોંધ્યો છે. સૂત્રોનુસાર દિપક કોચર સામે મજબૂત પુરાવા મળ્યા બાદ તપાસ એજન્સીએ તેમને પૂછપરછ માટે બોલાવ્યા હતા અને જ્યારે તે ઘણા વ્યવહારોને યોગ્ય રીતે સમજાવી શક્યા ન હતા, ત્યારે અધિકારીઓએ તેમની ધરપકડ કરવાનો નિર્ણય કર્યો હતો.
Enforcement Directorate (ED) arrests Deepak Kochar, husband of former ICICI Bank MD & CEO Chanda Kochar in connection with ICICI Bank-Videocon case: Enforcement Directorate (ED) officials pic.twitter.com/b86l6Gs2Eh
એવો આક્ષેપ કરવામાં આવે છે કે, દિપક કોચરની ફર્મ ન્યૂ પાવર રિન્યૂએબલ્સમાં 2010 માં 64 કરોડ રૂપિયા વીડિયોકોન ગ્રુપ દ્વારા અને 325 કરોડનું મેટિક્સ ફર્ટિલાઇઝર કંપનીઓ દ્વારા રોકાણ કરવામાં આવ્યું હતું. આ રોકાણ ICICI બેંક પાસેથી લોન મેળવ્યા બાદ કરવામાં આવ્યું હતું.
ચંદા કોચરની પણ આવનારા સમયમાં મુશ્કેલી વધી શકે છે કારણ કે તપાસ એજન્સી વીડિયોકોન અને મેટિક્સ સિવાયની કંપનીઓને લોન આપવાની પણ તપાસ કરી રહી છે. ICICI બેંકનું સંચાલન કરતી વખતે ચંદા કોચરે કંપનીઓને જે લોન આપી હતી તે તપાસ એજન્સી તપાસ કરી શકે છે. અગાઉ EDએ ચંદા કોચર સંબંધિત સંપત્તિ પણ ટાંચમાં લીધી હતી.
EDએ વીડિયોકોન લોન કેસમાં સંબંધિત તમામ બાબતોને શંકા હેઠળ જોડી દીધી હતી. આ સિવાય EDએ કોચરની લગભગ 78 કરોડ રૂપિયાની સંપત્તિ પણ ટાંચમાં લીધી છે. ચંદા કોચર અને બેંકના અન્ય આઠ લોકો પર વીડિયોકોન ગ્રુપને લોન આપવામાં બેદરકારી હોવાનો આક્ષેપ કરવામાં આવ્યો છે.
શું છે આરોપ?
એવો આક્ષેપ કરવામાં આવ્યો છે કે વીડિયોકોન ઇન્ડસ્ટ્રીઝના વેણુગોપાલ ધૂતે દિપક કોચર દ્વારા પ્રમોટ કરનારી એક કંપનીને કરોડો રૂપિયાની સહાય પૂરી પાડી હતી, જ્યારે વીડિયોકોન ગ્રુપે ICICI બેંક પાસેથી લોન રૂપે 2012માં 3,250 કરોડ રૂપિયા મેળવ્યા હતા. આ રકમ 40 હજાર કરોડની લોનનો હિસ્સો હતી જે વીડિયોકોન ગ્રુપ દ્વારા એસબીઆઈના નેતૃત્વમાં 20 બેંકોના કન્સોર્ટિયમ પાસેથી લેવામાં આવી હતી.
આ કેસ ICICI બેંક દ્વારા વર્ષ 2009 થી 2011 દરમિયાન વીડિયોકોન ગ્રુપને અપાયેલી રૂ.1,875 કરોડની લોન મંજૂર કરવામાં કથિત ગેરરીતિઓ અને ભ્રષ્ટાચાર સાથે સંબંધિત છે.
EDનો આરોપ છે કે કોચરે જ્યારે ICICI બેંકના વડા હતા ત્યારે ગેરકાયદેસર રીતે તેના પતિની કંપની ન્યૂ પાવર રિન્યુએબલ્સને કરોડો રૂપિયા અપાવ્યા હતાં. માર્ચ મહિનામાં EDએ કોચર પરિવારના રહેઠાણ અને ઓફિસ સંકુલની તપાસ કરી હતી અને વીડિયોકોનના ચેરમેન વેણુગોપાલ ધૂતને પૂછપરછ માટે બોલાવ્યા હતા.
ધૂતે ICICI બેંક પાસેથી લોન આપવા મંજૂરીના બદલામાં તેમની કંપની સુપ્રીમ એનર્જી દ્વારા ન્યૂ પાવર રિન્યુએબલ્સ લિમિટેડમાં રોકાણ કર્યું. વીડિયોકોન ગ્રૂપને અપાયેલી કુલ લોન 40000 કરોડ રૂપિયાનો એક મોટા હિસ્સાની 2017માં વસૂલી થઈ ન શકી અને બેંકે 2810 કરોડ રૂપિયાની લોન માટે NPA ઘોષિત કરી દીધી.