નિયમ / આજે મધરાતથી હાઈવે પર ફાસ્ટેગનો અમલ, ICICI બેંક પણ આ નિયમમાં લાવશે બદલાવ

• આજે મધરાતથી ફાસ્ટટેગનો અમલ
• ICICI બેન્ક ચાર ટ્રાન્ઝેક્શન બાદ રૂ. ૧૫૦નો ચાર્જ લાગશે
• ૧૬ ડિસેમ્બરથી નિફ્ટ સુવિધા ૨૪ કલાક ચાલુ થઇ જશે

૧૫ ડિસેમ્બરની મધરાતથી આ સુવિધા શરૂ થઇ જશે

જો સમય મર્યાદા લંબાવવામાં નહીં આવે તો તમામ નેશનલ હાઇવેના ટોલ પ્લાઝા પર આજે મધરાતથી ફાસ્ટેગ લાગુ થઇ જશે. જો તમે ફાસ્ટેગ વગર વાહન લઇને પ્રવેશ કરશો તો બમણો ટોલ વસૂલવામાં આવશે. સોમવારથી હવે નેફ્ટ સુવિધા ૨૪ કલાક ઉપલબ્ધ બનશે. ૧૫ ડિસેમ્બરની મધરાતથી આ સુવિધા શરૂ થઇ જશે.

ચાર ટ્રાન્ઝેક્શન બાદ રૂ. ૧૫૦નો ચાર્જ લાગશે

એ જ રીતે ICICI બેન્ક ૧૫ ડિસેમ્બરથી ગ્રાહકોને ચાર વખત જ કેશ ટ્રાન્ઝેક્શન (જમા અને ઉપાડ)ની સુવિધા આપશે અને ચાર ટ્રાન્ઝેક્શન બાદ રૂ. ૧૫૦નો ચાર્જ લાગશે. હોમ બ્રાન્ચમાં ફ્રી જમા-ઉપાડની મહત્તમ મર્યાદા રૂ. બે લાખની હશે. ત્યાર બાદ પ્રતિ હજાર રૂ. પાંચનો ચાર્જ લાગશે અને લઘુતમ ચાર્જ રૂ. ૧૫૦ થશે. ૧૬ ડિસેમ્બરથી નવા નિયમો બાદ ટેલિકોમ ગ્રાહકો ત્રણ કામકાજના દિવસમાં નંબર પોર્ટ કરાવી શકશે.