યુરોપમાં એક નાનકડો દેશ છે: આઇસલેન્ડ. 3,60,000ની વસ્તી ધરાવતો આ ટચુકડો દેશ અત્યાર સુધી તેની કુલ વસ્તીમાં 5% થી વધુ લોકોમાં કોરોના વાયરસના ટેસ્ટ કરાવી ચુક્યો છે. અહીં પોઝિટિવ દર્દીઓમાં એક ચોંકાવનારી હકીકત સામે આવી છે કે અડધોઅડધ દર્દીઓમાં પોઝિટિવ હોવા છતાં તેમાં કોરોના વાયરસના કોઈ લક્ષણ નહોતા. આવા દર્દીઓ પોતે જાણતા નથી કે તેઓ કોરોના પોઝિટિવ છે અને તેઓ અજાણતા જ પોતાનો ચેપ બીજા લોકોને લગાવી દે છે. આ દેશે મોટા પ્રમાણમાં ટેસ્ટ કરાવીને અને દેશની વસ્તીમાં કોરોના કેટલો ફેલાયો છે તેનો ચિતાર મેળવીને દેશને કોરોનાથી સુરક્ષિત રાખ્યો છે.
મંગળવાર સુધી આઇસલેન્ડે તેની વસ્તીના 17900 લોકો એટલે કે 5%થી વધુ વસ્તી ઉપર કોરોના વાયરસનું ટેસ્ટિંગ કર્યું છે. તેમણે એક નવી પહેલ કરીને ફક્ત રોગના લક્ષણો કે ટ્રાવેલ હિસ્ટ્રી ધરાવતા લોકો જ નહીં પણ બધા લોકો માટે ટેસ્ટિંગ શરુ કરવાની શરૂઆત કરી. આમ કરવાથી કેટલાક આશ્ચર્યજનક આંકડા સામે આવ્યા.
અહીં પોઝિટિવ દર્દીઓમાં એક ચોંકાવનારી હકીકત સામે આવી છે કે અડધોઅડધ દર્દીઓમાં પોઝિટિવ હોવા છતાં તેમાં કોરોના વાયરસના ખાંસી, તાવ, શ્વાસ લેવામાં તકલીફ જેવા કોઈ લક્ષણ નહોતા. ઉલ્લેખનીય છે કે આવા દર્દીઓ પોતે જાણતા નથી કે તેઓ કોરોના પોઝિટિવ છે અને તેઓ અજાણતા જ પોતાનો ચેપ બીજા લોકોને લગાવી દે છે. આ ઉપરથી તેમ તારણ નીકળે છે કે સરકારે સામાન્ય જનતા ઉપર પણ મોટા પ્રમાણમાં ટેસ્ટિંગ કરવું જરૂરી છે. જો લોકો પોઝિટિવ નીકળે તેમની ઉપર સારવાર અને આઇસોલેશન વધુ અસરકારક રીતે થઇ શકે છે.
આમ કરવાને બદલે અત્યારે વિશ્વના મોટા ભાગના દેશોમાં લોકો ટેસ્ટિંગ વગર જ ક્વોરનટાઈનમાં છે. આમ કરવાની સાથે સાથે ખૂબ મોટા પ્રમાણમાં ટેસ્ટિંગ કરવાની જરૂર છે તેવી અપીલ WHO પણ કરી ચૂક્યું છે. આમ કરવાનો સૌથી મોટો ફાયદો એ છે કે દરેક કેસ કોની સાથે લિંક છે અને કોના દ્વારા ફેલાયો છે તેનો નકશો બની શકે છે અને આ આંકડાઓ પરથી વધુ લોકોમાં તેને ફેલાતો અટકાવી શકાય છે.
અત્યારે આઇસલેન્ડમાં 20થી વધુ લોકોના ભેગા થવા ઉપર પ્રતિબંધ છે અને શાળા કોલેજ બંધ છે. પરંતુ આ સિવાય દેશમાં લોક ડાઉન નથી. સત્તાધીશો કહે છે કે વધુ પ્રમાણમાં ડેટા હોવાથી લોક ડાઉન જેવા પગલાં કરતા અસર થયેલા લોકોને ક્વોરનટાઇન કરીને જ અસરકારક રીતે રોગ કાબૂમાં આવી ગયો છે.
નોંધનીય છે કે આઇસલેન્ડમાં અત્યારે કોવિડ 19ના 1417 કેસ છે અને 4ના મોત થઇ ચુક્યા છે.