ગરમી હોય કે શરદી... આઈસ્ક્રીમ લવર્સને તેનાથી કોઈ ફરક પડતો નથી. તેમને તો બસ પોતાના મનપસંદ ફ્લેવરની ઠંડી-ઠંડી આઈસ્ક્રીમ જોઈએ. પરંતુ જ્યારે કાળઝાળ ગરમીમાં આઈસ્ક્રીમ પીગળીને હાથ પર ટપકવા લાગે છે તો આઈસ્ક્રીમ પ્રેમીઓનુ દિલ દુભાય છે. હા આ સમસ્યા ત્યારે વધુ ગંભીર થાય છે, જ્યારે આઈસ્ક્રીમને થોડે દૂર લઇને જવાનુ હોય છે. કારણકે બધાની ઝડપ મિલ્ખા સિંહ જેવી હોતી નથી. એવામાં ચીનની એક કંપનીએ એવી આઈસ્ક્રીમ બનાવી છે, જેની ખાસિયત જાણીને યુઝર્સ હેરાન અને પરેશાન થઇ ગયા છે.
આઈસ્ક્રીમ બ્રાન્ડ ચીનના શહેરોમાં છે પ્રખ્યાત
ચીનના લક્ઝરી આઈસ્ક્રીમ બ્રાન્ડ, Zhong Xue Gao અને Chicecreamએ એક એવી આઈસ્ક્રીમ બનાવી છે, જેનુ આગ પણ કશુ બગાડી શકે એમ નથી. Hermes of Ice Cream નામની આ આઈસ્ક્રીમ કાળઝાળ ગરમીમાં પણ પીગળતી નથી. જો વિશ્વાસ ના થતો હોય તો સોશિયલ મીડિયામાં વાયરલ વીડિયો જોઈ લો જેને લોકોને આ વાત પર વિશ્વાસ કરવા માટે મજબૂર કરી દીધા છે.
31 ડિગ્રીના તાપમાનમાં પણ આઈસ્ક્રીમ ના પિગળી
વાયરલ ક્લિપમાં જોઈ શકાય છે કે એક ઈન્ટરનેટ યુઝર કંપની કીસૉલ્ટ કોકોનટ આઈસ્ક્રીમને એક લાઈટરથી પ્રગટાવી રહ્યું છે. તેમાં આગ લાગતા જ ધુમાડો થાય છે, પરંતુ આઈસ્ક્રીમ આ આગમાં પીગળતી નથી. પોસ્ટમાં એવો પણ દાવો કરવામાં આવ્યો હતો કે આ આઈસ્ક્રીમને 50 મિનિટ માટે 31 ડિગ્રીની પાર રાખવામાં આવ્યો હતો. તેમ છતાં આઈસ્ક્રીમ પિગળી નથી.