વિરાટ કોહલી પોતાના ઇન્ટરનેશનલ કરિયરમાં સૌથી મહત્વની સફરનું શરૂઆત બુધવારે એટલે કે આજે વર્લ્ડ કપમાં સતત 2 મેચ હારી ચૂકેલી સાઉથ આફ્રિકા વિરુદ્ઘ કરશે.
સાઉથ આફ્રિકાને વર્લ્ડકપના ઇતિહાસને જોતા ચોકર્સ કહેવામાં આવે છે. અત્યાર સુધી વર્લ્ડકપમાં ઇંગ્લેન્ડ અને બાંગ્લાદેશ સામે રમેલી 2 મેચમાં સાઉથ આફ્રિકાને હારનો સામનો કરવો પડ્યો હતો. આ સાથે જ ટીમ સાઉથ આફ્રિકાની મુશ્કેલીમાં ઘટાડો પણ નથી થઇ રહ્યો. ટૂર્નામેન્ટની શરૂઆતમાં ફાસ્ટ બૉલર ડેલ સ્ટેન ઇજાગ્રસ્ત થયો અને હવે લુંગી નગિદી 10 દિવસ માટે બહાર થઇ ગયો છે. 'ધ ઑવલ'મા રમાયેલી મેચમાં મસલ્સના દુખાવાની ફરિયાદ કરી હતી.
તો બીજી તરફ ટીમ ઇન્ડિયા માટે આ સારા સમાચાર છે. ન્યૂઝીલેન્ડ વિરુદ્ઘની પ્રેક્ટિસ મેચમાં સ્વિગંની સામે ટીમ ઇન્ડિયા ઑલઆઉટ થઇ. એવામાં સાઉથ આફ્રિકાના 2 ખાસ બૉલર્સ ના હોવાથી ટીમ ઇન્ડિયાના બેટ્સમેન રિલેક્સ હશે, જોકે ટીમ ઇન્ડિયાની સ્થિતિ ટૉપ 3ના પરફૉર્મન્સ પર આધાર રાખશે, જો આ 3 છેલ્લે સુધી રહ્યા તો ટીમ ઇન્ડિયા સારો સ્કોર કરી શકે છે. ગત 2 વર્ષમાં જોઇ શકાયુ છે કે, રોહિત શર્મા-શિખર ધવનની જોડી પર સારી શરૂઆત થઇ છે તો વિરાટ કોહલી ટીમને સંભાળવાની જવાબદારી લે છે.
— Cricket World Cup (@cricketworldcup) June 5, 2019
વર્લ્ડ કપ પહેલા નંબર 4ને લઇને ચર્ચા થઇ રહી હતી. બાંગ્લાદેશ વિરુદ્ઘ પ્રેક્ટિસ મેચમા રાહુલ ચોથા નંબર પર આવ્યો અને સેન્ચુરી કરી. એવામાં માનવામાં આવી રહ્યુ છે કે, વિરાટ કોહલી રાહુલને પહેલી મેચમાં નંબર 4 પર મોકલી શકે છે, નહીં તો કેદાર જાધવ આ સ્થાન માટે વિકલ્પ છે. રાહુલ જો 4 પર આવે તો જાધવ 5 પર અને ધોની 6 પર આવી શકે છે.
બૉલિંગમા વિરાટ કયા 2 ફાસ્ટ બૉલર સાથે આવે છે તે જોવાનું રહ્યુ. લાગી રહ્યુ છે કે, જસપ્રીત બુમરાહ અને ભુવનેશ્વર કુમારની જોડી મેદાન પર હશે. પરંતુ મોહમ્મદ શમીનુ ફોર્મ જોઇને વિરાટ તેણે જગ્યા આપી શકે છે. બુમરાહનું રમવાનું પાક્કુ છે, ત્રીજા ફાસ્ટ બૉલર તરીકે ટીમ ઇન્ડિયાની પાસે હાર્દિક પંડ્યા વિકલ્પ છે. ત્યારે જોવાનું રહ્યુ કે, કોહલી અને હેડ કોચ રવિ શાસ્ત્રી લેગ સ્પિનર યુઝવેન્દ્ર ચહલ અને ચાઇનામેન કુલદીપ યાદવની જોડી સાથે આવે છે અથવા તો અનુભવી ખિલાડી રવિન્દ્ર જાડેજાને મૌકો આપશે.