આ જીતની સાથે વર્લ્ડ કપના સેમિફાઇનલમાં પહોંચવા માટે પાકિસ્તાનની આશા જીવંત રહી. શાહીને 10 ઑવર્સમાં 28 રન આપીને 3 વિકેટ લીધી અને ન્યૂઝીલેન્ડને 6 વિકેટ પર 237 રન કરવા દીધા. પાકિસ્તાને આ ટાર્ગેટ 49.1 ઑવરમાં 4 વિકેટ ગુમાવીને 241 રન કરી પૂરો કર્યો. જે પછી પાકિસ્તાનના 7 પૉઇન્ટ થયા છે અને તે છઠ્ઠા ક્રમે છે જ્યારે ન્યૂઝીલેન્ડ 7 મેચ પછી 11 પૉઇન્ટ છે. આ સાથે જ ન્યૂઝીલેન્ડ પૉઇન્ટ ટેબલ પર બીજા સ્થાન પર છે.
With one of the finest World Cup tons, Babar Azam keeps Pakistan fighting for a semifinal spot
ન્યૂઝીલેન્ડે ટોસ જીતીને પહેલા બેટિંગ કરવાનો નિર્ણય કર્યો, જોકે આ નિર્ણય ખોટો સાબિત થયો અને ટીમે માત્ર 46 રનના સ્કોર પર 4 વિકેટ ગુમાવી. જે પછી કેન વિલિયમ્સન (41) અને જેમ્સ નિશમ (97) રનની ઇનિંગ્સની સ્થિરતા લાવવાનો પ્રયાસ કર્યા પણ 83ના સ્કોર પર વિલિયમ્સનની વિકેટ પડતા ફરી મુશ્કેલી ફસાયુ. જોકે ઓલરાઉન્ડર્સ જેમ્સ નિશમ અને કોલીન ડી ગ્રાન્ડહોમે છઠી વિકેટ માટે 132 રનની પાર્ટનરશિપ કરી હતી. નિશમે 112 બોલમાં 5 બાઉન્ડ્રી અને 3 સિક્સર્સની મદદથી 97* રન કર્યા હતા. જયારે ગ્રાન્ડહોમે 71 બોલમાં 6 બાઉન્ડ્રી અને 1 સિક્સરની મદદથી 64 રન કર્યા હતા. પાકિસ્તાન માટે આફ્રિદીએ 3 વિકેટ, શાદાબ ખાન અને મોહમ્મદ આમિરે 1-1 વિકેટ લીધી હતી.
— Cricket World Cup (@cricketworldcup) June 26, 2019
238 રનના ટાર્ગેટ પૂરો કરવા માટે આવેલી પાકિસ્તાનની ટીમે 4 વિકેટ ગુમાવીને પૂરો કર્યો. મેન ઑફ ધ મેચ બાબર આઝમે પોતાના કરિયરની સર્વશ્રેષ્ઠ ઇનિંગ્સ રમતા 127 બૉલમાં 11 બાઉન્ડ્રીની મદદથી 101* રન કર્યા. જોકે તેનો સાથ આપતા હેરિસ સોહેલે 76 બૉલમાં 68 રન કર્યા. તો ન્યૂઝીલેન્ડ માટે લોકી ફર્ગ્યુસન, ટ્રેન્ટ બોલ્ટ અને કેન વિલિયમ્સને 1-1 વિકેટ લીધી હતી.