વર્લ્ડકપ / પ્રેક્ટિસ મેચમાં ન્યૂઝીલેન્ડે ટીમ ઇન્ડિયાને 6 વિકેટ કારમી હાર અપાવી

ટ્રેંટ બોલ્ટની શાનદાર સ્વિંગ બૉલિંગની સામે ટીમ ઇન્ડિયા 39.2 ઑવરમાં માત્ર 179 રનમાં ઑલલાઉટ થઇ ગઇ. જે પછી ટાર્ગેટ પૂરો કરવા માટે આવેલી ન્યૂઝીલેન્ડના કેપ્ટન કેન વિલિયમસન (67) અને રૉસ ટેલર (71)ની મદદથી માત્ર 37.1 ઑવરમાં 4 વિકેટ પર 180 રન બનાવીને જીત હાંસલ કરી. 

અગાઉ ટીમ ઇન્ડિયા ટૉસ જીતી પ્રથમ બેટિંગનો નિર્ણય લીધો હતો. ટીમ ઇન્ડિયાની શરૂઆત સાવ કંગાળ રહી હતી  અને 91 રનમાં 7 વિકેટ ગુમાવી દીધી હતી. રોહિત શર્મા (2), શિખર ધવન (2), વિરાટ કોહલી (18), લોકેશ રાહુલ (6), એમ.એસ.ધોની (17) જેવા દિગ્ગજ બેટ્સમેનોની સાવ નિષ્ફળ રહ્યા. છેવટે હાર્દિક પંડ્યા (30) અને રવિન્દ્ર જાડેજા (54) રનની ઇનિંગ્સની મદદથી ટીમ ઇન્ડિયાનો સ્કોર 150 રનની પાર પહોંચી શક્યો હતો. ન્યૂઝીલેન્ડ તરફથી ટ્રેન્ટ બૉલ્ટે 4 અને જેમ્સ એન્ડરસને 3 વિકેટ ઝડપી હતી. 

180 રનનો ટાર્ગેટ પૂરો કરવા માટે આવેલી ન્યૂઝીલેન્ડની ટીમના કેપ્ટન કેન વિલિયમ્સના 67 અને રોઝ ટેલરના 71 રનની મદદથી ન્યૂઝીલેન્ડે 77 બૉલ બાકી રહેતા વિજય મેળવ્યો. ટીમ ઇન્ડિયાના બૉલરોમાં જસપ્રીત બુમરાહ, હાર્દિક પંડ્યા, યુઝવેન્દ્ર ચહલ અને રવિન્દ્ર જાડેજા 1-1 વિકેટ ઝડપી હતી.