ધોનીએ માત્ર 73 બોલમાં તોફાની સદી ફટકારી નાંખી. ધોનીએ માત્ર 8 ફોર અને 7 સિક્સની મદદથી 113 રનની શાનદાર ઇનિંગ બનાવી.
37 વર્ષના સ્ટાર વિકેટકીપરે બેસ્ટમેને સિક્સ ફટકારી શાનદાર અંદાજમાં સદી પૂર્ણ કરી. ધોનીની આ સ્ટાઇલનો કેપ્ટન વિરાટ કોહલી પણ ફેન બની ગયો અને પેવેલિયનમાં બેસીને આ સદીની ઉજવણી કરતો નજરે પડ્યો.
ધોનીના શૉટ પર વિરાટ કોહલીનું રિએક્શન કમાલનું હતું. જેનો વીડિયો સોશિયલ મીડિયામાં વાઇરલ થઇ ગયો.
આપને જણાવીએ કે આ પહેલા મેચમાં ભારતના ઓપનિંગ બેસ્ટમેન કોઇ કમાલ બતાવી શક્યા નહોતા અને શિખર ધવન 1 રન અને રોહિત શર્મા 19 રન બનાવી આઉટ થઇ ગયા હતા. જોકે કેએલ રાહુલ (108) અને ધોનીની સદીની મદદથી ભારત 50 ઓવરમાં 359/7 નો સ્કોર ઉભો કરી શક્યો હતો.