આઇસીસી વર્લ્ડકપ 2019ની પહેલી સેમીફાઇનલ મંગળવારે ભારત ન્યૂઝીલેન્ડની વચ્ચે મેનચેસ્ટરમાં રમાશે. બંને ટીમોના કેપ્ટનની વાત કરીએ તો ભારતીય કેપ્ટન વિરાટ કોહલી ભારે છે.
આઇસીસી વર્લ્ડકપ 2019ની પહેલી સેમીફાઇનલ મંગળવારે બે વખતની ચેમ્પિયન ભારત અને ગત સિઝનની ઉપવિજેતતા ન્યૂઝીલેન્ડની વચ્ચે ઓલ્ડ ટ્રેફર્ડ મેદાનમાં રમાવવા જઇ રહી છે. ભારતે આ સમગ્ર ટૂર્નામેન્ટમાં માત્ર એખ હારની સાથે સેમીફાઇનલની સફર કરી છે તો બીજી બજાુ ન્યૂઝીલેન્ડને લીગ સ્તરે સતત 3 હાર મળી છે. જો કે બંને ટીમો લીગ મેચમાં એક બીજા સામે રમી શકી નથ કારણ કે એ મેચ વરસાદના કારણે રમાઇ નહતી. આ વચ્ચે બંને કેપ્ટનની વાત કરીએ તો ભારતીય ટીમનો કેપ્ટન વિરાટ કોહલી કીવી કેપ્ટન કેન વિલિયમસન પર ભારે નજરે પડે છે.
વિરાટ કોહલી
કોહલીએ 76 વન ડે મેચોમાં કેપ્ટનસી કરી છે, જેમાં એને 56માં જીત મળી છે અને 18માં હારનો સામનો કરવો પડ્યો છે. એક મેચ ડ્રો રહી છે, જ્યારે એક મેચનું કોઇ પરિણામ આવ્યું નથી.
વિનિંગ પર્સેન્ટેજ 73.68%
IND vs NZ કોહલીએ ન્યૂઝીલેન્ડની વિરુદ્ધ 6 મેચોમાં કેપ્ટનસી કરી છે. એમાંથી 5 માં એે જીત મળી છે. જ્યારે માત્ર એક મેચ હારી છે. ન્યૂઝીલેન્ડ વિરુદ્ધ એનો વિનિંગ પર્સન્ટેજ 83.33 ટકા રહ્યો છે.
કેન વિલિયમસન
કીવી કેપ્ટન કેન વિલિયમસને 73 એક દિવસની મેચમાં કેપ્ટનસી કરી છે. એમાં એને 39માં જીત અને 32માં હાર મળી છે.
વિનિંગ પર્સેન્ટેજ 53.42%
IND vs NZ કેન વિલિયમસને ભારતની વિરુદ્ધ 13 મેચોમાં કેપ્ટનસી કરી છે. જેમાં એને 4માં જીત અને 9 માં હારનો સામનો કરવો પડ્યો છે. ભારક વિરુદ્ધ એનો વિનિંગ પર્સન્ટેજ 30.77 ટકા રહ્યો છે.
કોહલીનું ન્યૂઝીલેન્ડ સામે પ્રદર્શન
ન્યૂઝીલેન્ડ સામે એક દિવસની મેચમાં સૌથી વધારે રન બનાવનાર બેટ્સમેન વિરાટ કોહલી છે. વિરાટ કોહલીએ 22 મેચની 22 ઇનિંન્ગમાં 1302 રન બનાવ્યા છે. એમાં 5 સેન્ચ્યુરી અને 7 હાફ સેન્ચ્યુરી સામેલ છે. કોહલી બાદ સૌથી વધારે રન મહેન્દ્ર સિંહ ધોનાની નામે છે.
કેન વિલિયમસનનું ભારત સામે પ્રદર્શન
કેન વિલિયમસને ભારતની વિરુદ્ધ વન ડે માં 23 ઇનિંન્ગમાં 895 રન બનાવ્યા છે. એમાં એક સેન્ચ્યુરી અને 7 હાફ સેન્ચ્યુરી સામેલ છે. એને 38.91 ની સરેરાશથી આ રન બનાવ્યા છે. ન્યૂઝીલેન્ડની તરફથી રૉસ ટેલરે ભારત વિરુદ્ધ સૌથી વધારે રન બનાવ્યા છે.
ઉલ્લેખનીય છે કે 2019 વર્લ્ડ કપ માટે આજે ભારત અને ન્યૂઝીલેન્ડ વચ્ચે સેમિફાઈનલ મેચ રમાનાર છે. ત્યારે સટ્ટા માર્કેટમાં પણ ઈન્ડિયા હોટ ફેવરિટ છે. બન્ને ટીમ પર આજે 1 હજાર કરોડનો સટ્ટો રમાઈ શકે છે. તેમાં પણ ગુજરાત અને મહારાષ્ટ્રમાં 500 કરોડનો સટ્ટો રમાય તેવી સંભાવના છે. ન્યૂઝીલેન્ડ 80 પૈસાના ભાવ સાથે ફેવરિટ છે.