ICC વર્લ્ડ કપ 2019માં ટીમ ઇન્ડિયા અને ન્યૂઝીલેન્ડની મેચ વરસાદના કારણે રદ્દ થઇ, પરંતુ ટીમ ઇન્ડિયા સ્ટાર ઑલરાઉન્ડર હાર્દિક પંડ્યાએ એક વીડિયો મદદથી લોકોનું દિલ જીતી લીધુ.
જી હા, BCCIએ પોતાના ઑફિશ્યલ પેજ પર એક વીડિયો શૅર કર્યો છે જેમાં પંડ્યા ટીમ ઇન્ડિયાની ડ્રેસિંગ રૂમ બતાવી રહ્યો છે કે ત્યાં શું-શું છે, કોણ કયા ખિલાડી સાથે સ્પેસ શૅર કરે છે.
આ વીડિયોમાં જોઇ શકાય છે કે ડ્રેસિંગ રૂમમાં મહેન્દ્ર સિંહ ધોનીનો એક ફોટો છે, જેની નીચે કેટલાક બેટ્સ છે, ત્યારબાદ જસપ્રીત બુમરાહના બૉલિંગ એક્શનની ફોટો લાગી છે. આ સાથે જ દિનેશ કાર્તિકનો પણ ફોટો ડ્રેસિંગ રૂમમાં છે. હાર્દિક પંડ્યા આ વીડિયોમાં રોહિત શર્મા, કેદાર જાધવ, રવિન્દ્ર જાડેજા અને વિરાટ કોહલીની ડ્રેસિંગ રૂમમાં જગ્યા બતાવે છે.
વીડિયોની શરૂઆતમાં પંડ્યા જણાવે છે કે આ ડ્રેસિંગ રૂમ ટ્રેન્ટ બ્રિજ સ્ટેડિયમનો છે. અહીં ટીમ ઇન્ડિયા અને ન્યૂઝીલેન્ડની મેચ રમાવવાની છે. આગળ પંડ્યા જણાવે છે કે, મેચ પહેલા અને મેચ પછી કયો ખેલાડી ક્યાં બેસે છે, પછી તે જણાવે છે કે, આખા ડ્રેસિં રૂમમાં વધુ જગ્યા વિરાટ કોહલીની પાસે જ છે, ત્યાં પડેલા વિરાટના સામાનને બતાવે છે. પંડ્યા એમ પણ કહે છે કે, જાડેજા હંમેશા કેપ્ટનની બાજુમાં જ જગ્યા લે છે. પંડ્યા પછી ટીમ ઇન્ડિયાના ફિઝિયો પેટરિક ફરહાત એન્કરિંગની જવાબદારી સંભાળે છે. તે મજાકના કહે છે કે ધોની એન્ડ કંપનીએ આ રૂમ હાઇજેક કરી દીધો છે. રૂમમાં ધોનીની સાથે જસપ્રીત બુમરાહ, ભુવનેશ્વર કુમાર, હાર્દિક પંડ્યા બેઠેલા છે.
ઉલ્લેખનીય છે કે, ટીમ ઇન્ડિયા અને ન્યૂઝીલેન્ડ વચ્ચેની મેચ વરસાદને કારણે રદ્દ થઇ છે. બંને ટીમને 1-2 પૉઇન્ટ આપવામાં આવ્યો છે. ટીમ ઇન્ડિયા 3 મેચમાં 2 જીત અને 1 નો રિઝલ્ટ સાથે 5 પોઇન્ટ છે, જયારે કિવિઝના 4 મેચમાં 3 જીત અને 1 નો રિઝલ્ટ સાથે 7 પોઇન્ટ છે. ટીમ ઇન્ડિયા રવિવારે પાકિસ્તાન સામે પોતાની ચોથી મેચ રમશે.
The match has been called off. 1 point each for both teams 🌧️🌧️
Thank you to all the fans who came out in numbers to support #TeamIndia