પાકિસ્તાન મૂળનાં બ્રિટિશ બૉક્સર આમિર ખાને ICC વર્લ્ડ કપ 2019માં પાકિસ્તાનનાં પ્રદર્શનને લઇને ચોંકાવનારી વાત કહી છે. તેણે કહ્યું છે કે, ''વર્લ્ડ કપ 2019માં પાકિસ્તાનની જીત મેચ ફિક્સિંગ પર નિર્ભર છે.''
જો કે તેણે આ વાત મજાકમાં કહી છે. સ્ટાર બૉક્સરની જીભ ત્યારે ફસકી પડી જ્યારે તે પાકિસ્તાનની જીતને લઇને પોતાના વિચાર રાખી રહ્યો હતો. બૉક્સર આમિર ખાન લાઇટ-વેલ્ટરવેટ વર્લ્ડ ચેમ્પિયન રહી ચુક્યો છે.
આ વર્લ્ડ કપમાં પાકિસ્તાનની પહેલી મેચ વેસ્ટઇન્ડીઝ સામે હતી, જેમાં તેનો 7 વિકેટે પરાજય થયો હતો. આ ટૂર્નામેન્ટમાં જ્યાં વેસ્ટઇન્ડીઝે શાનદાર રીતે શરૂઆત કરી છે તો પાકિસ્તાન પોતાની પહેલી મેચમાં 22 ઑવરમાં જ ઑલઆઉટ થઈ ગઈ હતી. વેસ્ટઇન્ડીઝે 106 રનનો લક્ષ્યાંક 3 વિકેટ ગુમાવીને મેળવી લીધો હતો.
Slip of the tongue from Amir Khan on Pakistan's chances at the World Cup 😛 "it all depends on the match-fixing and how they fix the games" #CWC19pic.twitter.com/FWrA9JJs4y
હાર બાદ પાકિસ્તાનનાં કેપ્ટન સરફરાઝ અહમદે કહ્યું હતુ કે, “વર્લ્ડ કપની શરૂઆતની મેચમાં વેસ્ટઇન્ડીઝ તરફથી જબરદસ્ત ટક્કર મળશે તેવી આશા હતી, પરંતુ એ વાતથી રાહત અનુભવી રહ્યા છીએ કે મોહમ્મદ આમિર પોતાના ફૉર્મમાં પરત આવ્યો છે અને તેણે 3 વિકેટ ઝડપી છે.”
સરફરાઝે કહ્યું હતુ કે, “અમારી ટીમ માટે શરૂઆત ઘણી મહત્વની છે. આ માટે અમે બૉલિંગ કરવા ઇચ્છતા હતા. મને લાગે છે કે અમે શરૂઆતમાં ઘણી વિકેટો ગુમાવી દીધી હતી અને ત્યારબાદ મેચમાં પકડ બનાવી શક્યા નહીં.”
જણાવી દઇએ કે પાકિસ્તાનની ટીમ વન ડેમાં અત્યારે ખરાબ સમયનો સામનો કરી રહી છે. પાકિસ્તાન સતત 11 વન ડે મેચ હાર્યું છે જે તેના 46 વર્ષનાં ઇતિહાસમાં સૌથી ખરાબ પ્રદર્શન છે.