ટીમ ઇન્ડિયાના હેડ કોચ રવિ શાસ્ત્રી આ સમયે ટીમની સાથે છે, જ્યાં ટીમ ઇન્ડિયાના સાઉથ આફ્રિકા વિરુદ્ઘ ટેસ્ટ સીરિઝ રમી રહી છે. ભારત પ્રવાસે આવેલી સાઉથ આફ્રિકાની ટીમ મેજબાન ટીમ સાથે ટેસ્ટ સીરિઝ રમવામાં વ્યસ્ત છે. આ ટેસ્ટ સીરિઝની છેલ્લી અને અંતિમ મેચ 19 ઓક્ટોબરના રમાશે.
આ દરમિયાન ICC એ પોતાના ઑફિશ્યલ ટ્વીટર પર રવિ શાસ્ત્રીની એક ફોટો શૅર કર્યો છે જેમાં તે બંને હાથ ખુલ્લા રાખીને ઉભા છે. ICC એ આ ટ્વીટમાં કેપ્શન લખ્યુ છે કે, આ ફોટોને કેપ્શન આપો. જેના પરથી અંદાજ લગાવી શકાય છે કે, ક્રિકેટની સૌથી મોટી સંસ્થાએ રવિ શાસ્ત્રીને હાથે કરીને ટ્રોલ કરવાનો પ્રયત્ન કર્યો છે અને મજાક ઉડાવી છે.
પૂના ટેસ્ટ મેચના દરમિયાન આ ફોટોમાં રવિ શાસ્ત્રી યોગા કરતા જોવા મળી રહ્યા છે. આ કારણે તેમના બંને હાથ હવામાં છે. એવામાં ICC એ આ ફોટોના કેપ્શન માંગ લોકો પાસે કરી તો લોકોએ રવિ શાસ્ત્રીના આ ફોટોને ટાઇટેનિક પોઝમાં એડિટ કરી દીધો. આ સિવાય તેમના હાથમાં ચિકન વગેરે રાખીને એડિટ કર્યો. આ ફોટો હાલમાં સોશ્યલ મીડિયા પર ખૂબ જ વાયરલ થઇ રહી છે.
ક્રિકેટ ફેન્સ અને memes બનાવનારા એ રવિ શાસ્ત્રીને રાવણ પણ બનાવી દીધા. એટલું જ નહી રવિ શાસ્ત્રીની ફોટોને ક્રોપ કરીને ખેતરમાં લગાવી દીધો. આ પહેલી વખત નથી કે રવિ શાસ્ત્રી ટ્રોલ થયા હોય, આ પહેલા પણ પોતાના પેટના કારણે સોશ્યલ મીડિયા પર ટ્રોલ થયા હતા. આ સિવાય દારૂના વ્યસનને લઇને પણ રવિ શાસ્ત્રી ટ્રોલ થાય છે.