ICCની રેન્કિંગમાં ભારતીય ક્રિકેટ ટીમ ટોચના સ્થાને છે. ભારત 360 અંકો સાથે સર્વશ્રેષ્ઠ ટીમ છે. ભારતીય ક્રિકેટ ટીમના કેપ્ટન વિરાટ કોહલી ટેસ્ટ રેન્કિંગમાં બેસ્ટ બેટ્સમેન બન્યા છે જ્યારે ઓલરાઉન્ડરમાં રવીન્દ્ર જાડેજા બીજા સ્થાને છે.
કોહલી ઓસ્ટ્રેલીયાનાં સ્ટીવ સ્મિથ કરતા 17 અંક આગળ
વિશ્વ ટેસ્ટ ચેમ્પિયનશીપમાં ભારત સર્વશ્રેષ્ઠ ટીમ
ઓલરાઉન્ડરની સૂચીમાં ભારતનાં રવીન્દ્ર જાડેજા બીજા સ્થાને
ભારતીય ક્રિકેટ ટીમના કેપ્ટન આ વર્ષનાં અંતે ટેસ્ટ રેન્કિંગમાં સૌથી બેસ્ટ બેટ્સમેન સાબિત થયા છે જ્યારે અજીંકય રહાણે સાતમા સ્થાને પહોંચી ગયા છે. કોહલી ઓસ્ટ્રેલીયાનાં સ્ટીવ સ્મિથ કરતા 17 અંક આગળ છે, કોહલીનાં 928 રેટિંગ અંક છે. ન્યૂઝીલેન્ડનાં કેપ્ટન કેન વિલિયમ્સન ત્રીજા નંબરે છે.
રહાણે સાતમા સ્થાને પહોંચી ગયા
ચેતેશ્વર પૂજારાએ પોતાનો ચોથો સ્થાન જાળવી રાખ્યો છે. રહાણે સાતમા સ્થાને પહોંચી ગયા છે તેમની જગ્યાએ પાકિસ્તાનનાં બાબરને રેન્કિંગમાં સ્થાન આપવામાં આવ્યું છે. બાબર આઝમ હવે છઠ્ઠા સ્થાન પર પહોંચી ગયા છે. જે તેમના કરિયરનું સર્વશ્રેષ્ઠ પ્રદર્શન છે. ભારતનાં બેટ્સમેન મયંક અગ્રવાલ 12માં અને રોહિત શર્મા 15માં ક્રમે છે. બોલરની વાત કરીએ જસપ્રીત બુમરાહ છઠ્ઠા નંબર પર પોતાનું સ્થાન જાળવી રાખ્યું છે.
બોલર્સની લીસ્ટમાં ઓસ્ટ્રેલીયાનાં પેટ કમિન્સ ટોચ પર
બુમરાહ ઈજાગ્રસ્ત હોવાના કારણે દક્ષીણ આફ્રિકા વિરુદ્ધ સીરીઝમાં સામેલ થયા ન હતા.બોલર્સની લીસ્ટમાં ઓસ્ટ્રેલીયાનાં પેટ કમિન્સ ટોચ પર છે. ટેસ્ટ ઓલરાઉન્ડરની સૂચીમાં ભારતનાં રવીન્દ્ર જાડેજા બીજા સ્થાને છે જ્યારે વેસ્ટ ઇન્ડીઝનાં જેસન હોલ્ડર તેમાં પ્રથમ ક્રમે છે. વિશ્વ ટેસ્ટ ચેમ્પિયનશીપમાં ભારત સર્વશ્રેષ્ઠ છે. ભારત 360 અંકો સાથે શીર્ષ સ્થાન પર છે. ભારત બાદ ઓસ્ટ્રેલીયા, પાકિસ્તાન, શ્રીલંકા અને ન્યુઝીલેન્ડનો નંબર આવે છે