ગાબા સ્ટેડિયમમાં રમાયેલી મેચમાં કેન વિલિયમસને હવામા ઉડીને કેચ પકડતાં પછી વિવાદની સ્થિતિ સર્જાઈ હતી. કેચ પકડ્યા બાદ બોલ જમીનને સ્પર્શી ગયો હતો.
કિવિ કેપ્ટન કેન વિલિયમસને બટલરની માંગી માંફી
હવામાં પકડેલો કેચ હાથમાંથી છૂટી ગયો હતો
વિલિયમસનને ક્રિકેટમાં સૌથી આદર્શ ખેલાડી માનવામાં આવે છે
ઓસ્ટ્રેલિયામાં T20 વર્લ્ડ કપની ગ્રુપ-1 મેચમાં ઈંગ્લેન્ડે ન્યુઝીલેન્ડને હરાવ્યું હતું. ગાબા સ્ટેડિયમમાં રમાયેલી મેચમાં કેન વિલિયમસને હવામા ઉડીને કેચ પકડતાં પછી વિવાદની સ્થિતિ સર્જાઈ હતી. પ્રથમ દાવની છઠ્ઠી ઓવરમાં બનેલી ઘટનામાં કિવિ કેપ્ટન કેન વિલિયમસન, અંગ્રેજ કેપ્ટન જોસ બટલર તેમજ થર્ડ અમ્પાયર સામેલ હતા. થોડીવાર માટે મેચ રોકવી પડી હતી.
હાથમાંથી છૂટ્યો કેચ
ઈનિંગની છઠ્ઠી ઓવરમાં ન્યૂઝીલેન્ડના કેપ્ટન કેન વિલિયમસને ઈંગ્લેન્ડના કેપ્ટન જોસ બટલરનો કેચ પકડ્યો હતો. વિલિયમસનને સામાન્ય રીતે વિશ્વ ક્રિકેટમાં સૌથી આદર્શ ખેલાડી માનવામાં આવે છે. તેની પ્રામાણિકતાનું ઉદાહરણ છે. આવી સ્થિતિમાં, આ કેચનો રિપ્લે જોઈને બધા ચોંકી ગયા, કારણ કે વિલિયમસનના હાથ છોડ્યા બાદ બોલ જમીનને સ્પર્શી ગયો હતો. અગાઉ એવું લાગતું હતું કે મિચેલ સેન્ટનરની બોલિંગમાંથી ન્યૂઝીલેન્ડના કેપ્ટને શાનદાર ડાઇવિંગ કેચ લીધો હતો.
બે વાર બટલરને મળ્યું જીવનદાન
લોકી બટલર આ ઇનિંગ દરમિયાન ઇયોન મોર્ગનને પાછળ છોડીને T20 ઇન્ટરનેશનલ ક્રિકેટમાં ઇંગ્લેન્ડ માટે સૌથી વધુ રન બનાવનાર ખેલાડી બન્યો. નસીબે પણ બટલરની તરફેણ કરી. તેને આઠ અને 40ના સ્કોર પર જીવનદાન મળ્યું. તેને પાવરપ્લેમાં તેનું પહેલું જીવન ત્યારે મળ્યું જ્યારે તેના ન્યુઝીલેન્ડ સમકક્ષ કેન વિલિયમસન કવર્સમાં કૂદીને બોલને પકડ્યો પરંતુ જ્યારે તે નીચે પડ્યો ત્યારે બોલ તેના હાથમાંથી છટકી ગયો હતો. હેલ્સના આઉટ થયા બાદ બટલરે આગેવાની લીધી હતી. તેણે લોકી ફર્ગ્યુસનને નિશાન બનાવ્યું અને ફરી એકવાર તે નસીબદાર બન્યો જ્યારે ડેરિલ મિશેલે મિડવિકેટ બાઉન્ડ્રી પર એક સરળ કેચ છોડ્યો હતો.
બટલરની આક્રમક બેટિંગે જીત્યું ઇંગ્લેન્ડ
અમ્પાયરના મનમાં શંકા હતી એટલે થર્ડ અમ્પાયરનો આશરો લેવામાં આવ્યો. રિપ્લે પછી સ્પષ્ટ થયું કે કેચ બરોબર ઝડપાયો નથી. બટલરને પાછો બોલાવવામાં આવ્યો હતો. વિલિયમસને તરત જ રમતની ભાવના દર્શાવતા બટલરની માફી માંગી. બટર્સે વિલિયમસનને આ ભૂલની સજા આપી હતી. કેચ છોડતી વખતે તે માત્ર 8 રન પર રમી રહ્યો હતો, પરંતુ પછી તેણે આક્રમક અભિગમ અપનાવીને માત્ર 47 બોલમાં 73 રન બનાવીને ઈંગ્લેન્ડને 179 રન સુધી પહોંચાડવામાં મદદ કરી.