એલાન / T20 વર્લ્ડ કપ માટે પાકિસ્તાને કરી ટીમની જાહેરાત, ફાસ્ટ બોલરની વાપસી, જુઓ કોને મળ્યો ચાન્સ

• T20 વર્લ્ડ કપ માટે પાકિસ્તાની ટીમની જાહેરાત
• ફાસ્ટ બોલર શાહીન શાહ આફ્રિદીની વાપસી
• ટીમનું નેતૃત્વ બાબર આઝમ કરશે

ઓસ્ટ્રેલિયામાં યોજાનારા આઇસીસી ટી-20 વર્લ્ડ કપ માટે પાકિસ્તાનની ટીમની જાહેરાત કરી દેવામાં આવી છે. ભારતે આ અઠવાડિયે ટીમની જાહેરાત કરી હતી, જે બાદ પાકિસ્તાનની ટીમ જાહેર થવાની રાહ જોઈ રહી હતી. એશિયા કપમાં રમનારા ખેલાડીઓને ટી-20 વર્લ્ડ કપમાં રાખવામાં આવ્યા છે. ફાસ્ટ બોલર શાહીન શાહ આફ્રિદીની વાપસી થઈ છે.

15 સભ્યોની ટીમની જાહેરાત
પાકિસ્તાન ક્રિકેટ બોર્ડે ગુરુવારે આઈસીસી ટી-20 વર્લ્ડ કપ માટે 15 સભ્યોની ટીમની જાહેરાત કરી છે. ટીમનું નેતૃત્વ બાબર આઝમ કરશે જ્યારે શાદાબ ખાનને વાઈસ-કેપ્ટન બનાવવામાં આવ્યા છે. ઈજાના કારણે એશિયા કપમાંથી બહાર થઈ ગયેલા ફાસ્ટ બોલર શાહીન શાહ આફ્રિદીની ટીમમાં વાપસી થઈ છે. આ સાથે જ મોહમ્મદ વસીમ જૂનિયર પણ ટીમમાં છે. એશિયા કપમાં જેમનો દેખાવ સરેરાશ રહ્યો હતો તેવો બેટ્સમેન ફખર ઝમાન ટીમમાં સ્થાન મેળવી શક્યો નથી.

🚨 JUST IN: Pakistan's squad for the 2022 ICC Men's #T20WorldCup is out.

Details 👇

— ICC (@ICC) September 15, 2022

પાકીસ્તાનનો પ્રથમ મેચ ભારત સામે
પાકિસ્તાનને ભારત, બાંગ્લાદેશ, સાઉથ આફ્રિકા અને બે ક્વોલિફાયર રમનારી ટીમ સાથે જોડી દેવામાં આવ્યું છે. 23 ઓક્ટોબરે પાકિસ્તાન આ ટૂર્નામેન્ટની પ્રથમ મેચ કટ્ટર હરીફ ભારત સામે રમશે. એશિયા કપની ફાઈનલ અને તે પહેલા શ્રીલંકા સામેની હારથી ટીમને આંચકો લાગ્યો હતો.

ટી-20 વર્લ્ડ કપ માટે પાકિસ્તાનની ટીમ
બાબર આઝમ (કેપ્ટન), મોહમ્મદ રિઝવાન (વિકેટકીપર), ઇફ્તિખાર અહેમદ, ખુશદિલ શાહ, હૈદર અલી, શાદાબ ખાન, મોહમ્મદ નવાઝ, મોહમ્મદ વસીમ જુનિયર, નસીમ શાહ, હરીસ રઉફ, શાહીન આફ્રિદીદા, આસિફ અલી, શાન મહમૂદ, ઉસ્માન કાદિર

રીઝર્વ પ્લેયર
ફખર ઝમાન, મોહમ્મદ હેરિસ, શાહનવાઝ દહાની