ICC / કોઈ ન પહોંચી શકે આ ખેલાડીઓને ! બની વર્લ્ડની નંબર વન ટેસ્ટ ક્રિકેટની ટીમ, ભારતનો નંબર કેટલામો

• ICCએ ટેસ્ટ સીરીઝની રેન્કિંગ કરી જાહેર
• પ્રથમ સ્થાન પર 126 પોઈન્ટ્સની સાથે ઑસ્ટ્રેલિયા
• બીજા સ્થાન પર 116 અંકોની સાથે ટીમ ઈન્ડિયા 

ICCએ હાલમાં જ ટેસ્ટ ટીમોની રેન્કિંગ જાહેર કરી છે જેમાં ભારતીય ટીમે ફરી એકવાર પોતાનો દબદબો જાળવી રાખ્યો છે અને બીજું સ્થાન પ્રાપ્ત કર્યું છે. ઑસ્ટ્રેલિયન ટીમ પહેલા નંબર પર છે. ટીમ ઈન્ડિયાને આવતાં મહિને એટલે કે ફેબ્રુઆરીથી ઑસ્ટ્રેલિયાની સામે 4 ટેસ્ટ મેચોની સીરીઝ રમવાની છે. ભારત-ઑસ્ટ્રેલિયાની વચ્ચે ફેબ્રુઆરી-માર્ચમાં ટેસ્ટ સીરીઝનું આયોજન થવાનું છે જે ટેસ્ટ રેન્કિંગનાં એન્ગલથી પણ મહત્વની રહેશે.

126 પોઈન્ટ્સથી ઑસ્ટ્રેલિયા નંબર-1
આઈસીસીની રેન્કિંગ અનુસાર પ્રથમ સ્થાન પર ઑસ્ટ્રેલિયાએ પોતાનો કબ્જો કર્યો છે. 126 પોઈન્ટની સાથે ઑસ્ટ્રેલિયા ટોપ પર છે. 116 પોઈન્ટ્સની સાથે ટીમ ઈન્ડિયા દ્વિતીય સ્થાન પર સ્થિર છે. આવનારાં 2 મહિનામાં થનારી ટેસ્ટ સીરીઝમાં આ રેન્કિંગ ઘણો મહત્વનો ભાગ ભજવી શકે છે. ઑસ્ટ્રલિયન ટીમ હાલમાં જ વેસ્ટઈન્ડિઝ અને સાઉથ આફ્રિકાની સામે ઘરેલૂ ટેસ્ટની સીરીઝ રમી છે. આ ટીમે સૌથી પહેલાં વેસ્ટઈન્ડિઝની 2 મેચોની ટેસ્ટ સીરીઝમાં 2-0થી ક્લીન સ્વીપ કર્યું છે. ત્યારબાદ સાઉથ આફ્રિકાને ત્રણ મેચો ટેસ્ટ સીરીઝમાં 2-0થી હરાવ્યું છે.

પાકિસ્તાન ટીમ 6ઠ્ઠા ક્રમ પર
ICC ટેસ્ટ રેન્કિંગ ઈંગ્લેન્ડની ટીમ ત્રીજા અને સાઉથ આફ્રિકા ટીમ ચોથા નંબર પર છે. ન્યૂઝીલેન્ડ આફ્રિકા ક્રમશ: પાંચમા અને પાકિસ્તાન ટીમ છઠ્ઠા રેન્કિંગ પર કબ્જો કરેલ છે. પાકિસ્તાન ટીમ પોતાના ઘરમાં જ ઈંગ્લેન્ડની સામે 0-3થી સીરીઝ હારી ગઈ હતી. ત્યાર બાદ ન્યૂઝીલેન્ડની સામે પણ 2 ટેસ્ટ સીરીઝમાં 0-0ની બરાબરી પર રહી.

ઑસ્ટ્રેલિયા ભારતનાં પ્રવાસે

1. પહેલી ટેસ્ટ- 9થી 13 ફેબ્રુઆરી, નાગપુર
2. બીજી ટેસ્ટ-17થી 21 ફેબ્રુઆરી, દિલ્હી
3. ત્રીજી ટેસ્ટ- 1થી 5 માર્ચ, ધર્મશાલા
4. ચોથી ટેસ્ટ- 9થી 13 માર્ચ, અમદાવાદ