ભારતીય કેપ્ટન વિરાટ કોહલીએ આઈસીસીના નવા વનડે બેટિંગ રેન્કિંગમાં ટોચનું સ્થાન જાળવી રાખ્યું છે.
કોહલીના પોઈન્ટ થયા 870
જસપ્રીત બુમરાહના પોઈન્ટ થયા 690
સીમિત ઓવરોના કેપ્ટન રોહિત શર્માને ત્રીજું સ્થાન મળ્યું
બોલરની યાદીમાં જસપ્રીત બુમરાહ એક સ્તર નીચે આવીને ચોથા સ્થાને પહોંચી ગયો છે.કોહલીએ ઈંગ્લેડની સામે પહેલી અને બીજી વનડેમાં ક્રમશ 56 અને 66 રન કર્યાં હતા જેનાથી તેના પોઈન્ટ 870 થયા હતા. બુમરાહ ઈંગ્લેન્ડની સામે સીમિત ઓવરોની સિરિઝમાં રમી શક્યો નહોતો જેને કારણે તે એક સ્તર નીચે આવી ગયો હતો અને બોલરની યાદીમાં 690 પોઈન્ટની સાથે ચોથા સ્થાને આવી ગયો હતો.
સીમિત ઓવરોના કેપ્ટન રોહિત શર્માને ત્રીજું સ્થાન મળ્યું છે તે પાકિસ્તાનના બાબર આઝમથી પાછળ છે. જ્યારે કેએલ રાહુલ 31 માંથી 27 મા સ્થાને આવી ગયો છે. ઓલરાઉન્ડર હાર્દિક પંડ્યા 35 અને 64 રન કરીને 42 મી રેન્કીંગ મેળવવામાં સફળ રહ્યો છે.
ઇંગ્લેન્ડ સામેની વનડે સિરીઝની પહેલી જ મેચમાં મંગળવારે પોતાની 61મી ફિફ્ટી ફટકારી હતી
ભારતીય સુકાની વિરાટ કોહલીએ પુણેના મહારાષ્ટ્ર ક્રિકેટ એસોસિએશન સ્ટેડિયમમાં ઇંગ્લેન્ડ સામેની વનડે સિરીઝની પહેલી જ મેચમાં મંગળવારે પોતાની 61મી ફિફ્ટી ફટકારી હતી, જે તેના T20ના ફોર્મમાં હોવાની સાબિતી આપે છે.કોહલીએ 50 બોલમાં પોતાનું અર્ધશતક લગાવ્યું હતું, જેમાં છ બાઉન્ડ્રી ફટકારી હતી, જે આ ફોર્મેટમાં તેના બેટથી નીકળેલી 6૧ મી ફિફ્ટી અને 104મી વાર પચાસ પ્લસનો સ્કોર છે, અને આ વખતે તેણે દક્ષિણ આફ્રિકાના મહાન ક્રિકેટર જેક કાલિસ જેણે 328 મેચમાં 103 વાર ફિફ્ટી પ્લસનો સ્કોર બનાવ્યો હતોનો રેકોર્ડ તોડી નાખ્યો છે. આ ફોર્મેટમાં હવે માત્ર સચિન તેંડુલકર 145 ફિફ્ટી પ્લસ સ્કોર, કુમાર સંગાકારા 118 વાર ફિફ્ટી પ્લસ સ્કોર અને રિકી પોન્ટિંગના 112 ફિફ્ટી પ્લસ સ્કોર જ હવે કોહલીની આગળ છે, નોંધનીય છે કે આ બધાની પછી કોહલી આ લિસ્ટમાં ચોથા ક્રમે છે અને તેનાથી આગળના ત્રણેય ક્રિકેટરો નિવૃત્ત થઈ ચૂક્યા છે, જ્યારે કે કોહલી હજુ તેની કારકિર્દીમાં આગળ વધી રહ્યો છે.
આ ફિફ્ટી, કોહલીની ક્રિકેટના બધા જ ફોર્મેટમાંની ઈંગ્લેન્ડ સામે ફટકારાયેલી કુલ 27મી ફિફ્ટી છે, હવે શ્રેણીમાં પણ સચિન તેંડુલકર જ તેનાથી આગળ છે. ઈંગ્લેન્ડ વિરુદ્ધ તેના 12 વનડે ફિફ્ટી પ્લસ સ્કોર સાથે આ યાદીમાં અગ્રેસર રહેલ સચિન પછી કોહલી 11 ફિફ્ટી પ્લસની સાથે રાહુલ દ્રવિડની સાથે છે.
--------------------