ટીમ ઇન્ડિયાની વેસ્ટ ઇન્ડિઝની જીત પર મહત્વની ભૂમિકા ભજવનારા ચાઇનામેન કુલદીપ યાદવે ICC T-20 રેન્કિંગમાં 14 સ્થાન પર જોરદાર છલાંગ લગાવી છે અને તે પોતાના કરિયરના સર્વશ્રેષ્ઠ 23માં ક્રમે પહોંચી ગયો છે. કુલદીપે વિન્ડીઝની સામેની T-20 સીરિઝમાં 3 મેચમાં 5 વિકેટ્સ લીધી. ICC દ્વારા રજૂ કરવામાં આવેલી ટીમ રેન્કિંગની વાત કરીએ તો પાકિસ્તાન પહેલા જ્યારે ટીમ ઇન્ડિયા બીજા સ્થાન પર છે.
ICCની સોમવારે રજૂ કરવામાં આવેલી નવી રેન્કિંગમાં ફાસ્ટ બૉલર ભુવનેશ્વર કુમારે 9 ક્રમના ઉછાળા સાથે ટૉપ 20માં પહોંચી ગયો છે. તે હવે 19 જ્યારે જસપ્રીત બુમરાહ 21માં સ્થાને છે. બુમરાહે પાંચ સ્થાનની છલાંગ લગાવી હતી.
ભારતીય બેટ્સમેનોમાં રોહિત શર્મા અને ઑપનર શિખર ધવને પણ પોતાની રેન્કિંગમાં સુધારો કર્યો છે. આ સીરિઝમાં ટીમના આગેવાની કરનારા રોહિત 3 સ્થાન ઉપર ચડીને 7માં જ્યારે ધવન પાંચ ક્રમની છલાંગ સાથે 16માં સ્થાને પહોંચી ગયો છે. ટીમ રેન્કિંગમાં પાકિસ્તાન 138માં જ્યારે ટીમ ઇન્ડિયા 127 પૉઇન્ટ સાથે પ્રથમ અને બીજા સ્થાન પર છે.
ઓલરાઉન્ડર્સની યાદીમાં ટોચના 4 ક્રમમાં કોઈ બદલાવ થયો નથી. ઑસ્ટ્રેલિયા ગ્લેન મેક્સવેલ પ્રથમ સ્થાને છે. તેના પછી મોહમ્મદ નબી શાકિબ અલ હસન અને જેપી ડુમિનીનો નંબર આવે છે. આ મહિને ઑસ્ટ્રેલિયાને 4 T-20 ઇન્ટરનેશનલ મેચ રમવાની છે તેમાંથી એક સાઉથ આફ્રિકા અને 3 ટીમ ઇન્ડિયા સામે છે .
જો ઑસ્ટ્રેલિયા આ ચારેય મેચમાં જીત મેળવે છે. તો તેના 126 પૉઇન્ટ થઇ જશે અને બીજા સ્થાને આવી જશે અને જો તેઓ તમામ મેચ હારી જશે તો 112 પૉઇન્ટ સાથે છઠ્ઠા સ્થાને પહોંચી જશે. આ રીતે જો સાઉથ આફ્રિકા 17 નવેમ્બરે રમાયનારી મેચ જીતશે તો તેને 3 પૉઇન્ટ્સ મળશે અને ટીમ ઇન્ડિયા ઑસ્ટ્રેલિયાની સામેન 3 મેચ જીતશે તો તેની પાસે 129 પૉઇન્ટ્સ થઇ જશે.