રિપોર્ટ / તો હવે T-20 વર્લ્ડકપમાં ટીમની સંખ્યા વધીને 20 થઇ શકે છે

 ICCનું માનવું છે કે, T-20 ફોર્મેટથી ક્રિકેટની રમતને ફૂટબોલ અને બાસ્કેટબોલ જેવી લોકપ્રિયતા મળી શકે છે. આ રિપોર્ટ 'ધ ટેલિગ્રાફ'માં પબ્લિશ થયો હતો.

આ રિપોર્ટ અનુસાર, 2023-2031ની સાઇકલનો પહેલો વર્લ્ડ કપ 2024માં રમાશે. અગાઉ ICCએ દર વર્ષે એક મોટી T-20 ટૂર્નામેન્ટનું આયોજન કરવા પર વિચારણા કરી હતી. તેઓ છેલ્લા કેટલાક સમયથી US માર્કેટને ટાર્ગેટ કરી રહ્યા છે. તે ઉપરાંત તેમનું માનવું છે કે, કેનેડા, જર્મની, નેપાળ અને નાઈજેરિયામાં ક્રિકેટની રમતને સારી રીતે આવકારવામાં આવી શકે છે.

20 ટીમોના વર્લ્ડ કપ માટે બે વિકલ્પ સાથે ટીમ આગળ વધશે

ICC અત્યારે 20 ટીમોના વર્લ્ડ કપ રમાડવા માટે બે વિકલ્પ પર વિચારણા કરી રહ્યું છે. 

1) અત્યારની સિસ્ટમ પ્રમાણે ટૂ-ટાયર ફોર્મેટ, જેમાં નીચલા ક્રમની ટીમો ક્વોલિફાયર રમીને વર્લ્ડ કપમાં ક્વોલિફાય કરશે. 

2) 5 ટીમના 4 ગ્રુપ અને દરેક ગ્રુપની ટોચની ટીમો નોકઆઉટ સ્ટેજમાં ક્વોલિફાય કરે.