ક્રિકેટ / ભારતે કરાવ્યું પાકિસ્તાનનું મોટું નુકસાન, ઈંગ્લેન્ડને 10 વિકેટથી કચડ્યું પણ ત્યાં બાબરનાં પેટમાં રેડાયું તેલ

• ભારતીય ટીમે વન-ડે રેન્કિંગમાં પાકિસ્તાનને પાછળ ધકેલ્યું
• પાકિસ્તાનને ખસેડીને ત્રીજા નંબરનુ સ્થાન પ્રાપ્ત કર્યુ
• ન્યુઝીલેન્ડ 126 રેટીંગ પોઈન્ટની સાથે ટૉપ પર

ICC વન-ડે રેન્કિંગમાં ભારત આગળ 

હવે તમને થોડા વિસ્તૃતમાં સમજાવીએ છીએ. ઓવલમાં રમાતી પહેલી વન-ડે પહેલા ભારતીય ટીમ ICC વન-ડે રેન્કિંગમાં પાકિસ્તાનથી પાછળ હતી. પાકિસ્તાનની ટીમ ત્રીજા નંબરે હતી જ્યારે ભારતીય ટીમ ચોથા ક્રમાંકે. તો ઈંગ્લેન્ડની ટીમ બીજા જ્યારે બાદશાહતનો તાજ ન્યુઝીલેન્ડના માથે સજેલો હતો. પરંતુ ઓવલમાં રમવામાં આવેલી વન-ડેનુ પરિણામ સામે આવ્યાં  બાદ ન્યુઝીલેન્ડ અને ઈંગ્લેન્ડનુ સ્થાન તો બદલ્યું નથી. પણ ભારત અને પાકિસ્તાન આગળ-પાછળ થયા. 

હાર્યુ ઈંગ્લેન્ડ પરંતુ નુકસાન થયુ પાકિસ્તાનને !

ઓવલ વન-ડેમાં 10 વિકેટથી જીતની અસર ભારતના વન-ડે રેન્કિંગ પર થઇ છે. તેણે પાકિસ્તાનને ખસેડીને ત્રીજા નંબરનુ સ્થાન પ્રાપ્ત કર્યુ છે. જ્યારે કટ્ટર પ્રતિસ્પર્ધી પાકિસ્તાન ચોથા સ્થાને આવી ગયુ છે. ભારતનુ રેટીંગ પોઈન્ટ અત્યારે 108 છે જ્યારે પાકિસ્તાનના 106. તો ન્યુઝીલેન્ડ 126 રેટીંગ પોઈન્ટની સાથે ટૉપ પર છે જ્યારે ઈંગ્લેન્ડ 122 પોઈન્ટને લઇને બીજા નંબરે.

A big change on the latest @MRFWorldwide ICC ODI Team Rankings 📈#ENGvINDhttps://t.co/H3XUOTyRe5

— ICC (@ICC) July 13, 2022

જાણો શું થશે બાકી બચેલી બે મેચના પરિણામની અસર?

ઈંગ્લેન્ડ સામે ત્રણ વન-ડે સીરીઝમાં ભારત 1-0થી આગળ છે. આ વધારાની સાથે ભારતે પાકિસ્તાનને વન-ડે રેન્કિંગમાં પછાડ્યુ છે. પરંતુ આગામી બે મેચના પરિણામ તેની ફેવરમાં આવે છે અથવા નહીં આવે તો શું થશે? ભારત જો સીરીઝમાં ક્લીન સ્વીપ કરે છે અથવા 3-0થી જીતે છે તો આ તબક્કામાં તેના કુલ 113 રેટીંગ પોઈન્ટ થઇ જશે અને તે ત્રીજા નંબર પર રહેશે. જ્યારે પાકિસ્તાન ચોથા નંબરે. આ તબક્કામાં ઈંગ્લેન્ડના રેટીંગ પોઈન્ટ પણ ઘટીને 117 થઇ જશે. ભારતીય ટીમ જો સીરીઝ 2-1થી જીતે છે તો આ ક્રમમાં પણ તે પાકિસ્તાનથી આગળ એટલેકે ત્રીજા નંબરે રહેશે પરંતુ તેના રેટીંગ પોઈન્ટ 109 હશે.