ભારતીય કેપ્ટન વિરાટ કોહલી અને ઝડપી બોલર જસપ્રીત બુમરાહે મંગળવારે જારી કરાયેલી ICC વનડે રેન્કિંગમાં ક્રમશ: બેટ્સમેન અને બૉલરની યાદીમાં ટોચનું સ્થાન જાળવી રાખ્યુ છે. વિરાટ કોહલી 899 પૉઇન્ટની સાથે ટૉપ પર છે જ્યારે લિમિટેડ ઑવર્સની મેચમાં ભારતીય વાઇસ કેપ્ટન રોહિત શર્મા બીજા સ્થાને છે.
રોહિતની સાથી ઓપનર ખેલાડી શિખર ધવન પણ બેટ્સમેનોની યાદીમાં ટોપ 10માં શામેલ અન્ય એક ભારતીય છે. તે 8માં ક્રમે છે. તેને એક ક્રમનો ફાયદો થયો છે. જ્યારે પૂર્વ ભારતીય કેપ્ટન મહેન્દ્ર સિંહ ધોની 20માં ક્રમ પર છે.
બોલર્સની યાદીમાં જસપ્રીત બુમરાહ 841 પોઈન્ટ સાથે પહેલા સ્થાન પર છે. કુલદીપ યાદવ અને યજુર્વેન્દ્ર ચહલને પણ ટોપ 10માં સ્થાન મળ્યું છે. કુલદીપ જ્યાં ત્રીજા સ્થાન પર કાયમ છે તો ચહલને પણ ત્રણ સ્થાનનો ફાયદા સાથે પાંચમા ક્રમે પહોંચી ગયો છે.
અફઘાનિસ્તાનના રાશિદ ખાન 353 પોઈન્ટ સાથે હાલમાં દુનિયાનો ટોચનો ઓલરાઉન્ડર છે. ટીમ રેન્કિંગમાં ભારત 121 પોઈન્ટ સાથે ઈંગ્લેન્ડ (126 પોઈન્ટ) બીજા સ્થાન પર કાયમ છે.