ક્રિકેટ / ICC એ જારી કર્યુ રેન્કિંગ, વિરાટ-બુમરાહ ટૉપ પર યથાવત્

ઈંગ્લેન્ડ-પાકિસ્તાન વચ્ચેની વન-ડે સીરિઝ અને વેસ્ટ ઈન્ડિઝ, બાંગ્લાદેશ તથા આયર્લેન્ડ વચ્ચેની ત્રિકોણીય સીરિઝ પૂર્ણ થયા બાદ રેન્કિંગ અપડેટ થઈ છે. આ વર્લ્ડ કપ જાહેર થનારી અંતિમ રેન્કિંગ છે. હવે વર્લ્ડ કપ પહેલા કોઈ અન્ય સીરિઝ રમાવાની નથી.

વિરાટ 890 રેટિંગ પોઈન્ટ સાથે વન-ડે બેટ્સમેનોની રેન્કિંગમાં પ્રથમ ક્રમે છે, જ્યારે બુમરાહ 774 પોઈન્ટ સાથે નંબર-1 બોલર છે. ભારતીય વાઈસ કેપ્ટન રોહિત શર્મા 839 પોઈન્ટ સાથે બેટિંગ રેન્કિંગમાં બીજા, ઓપનર શિખર ધવન 13મા, એમ.એસ. ધોની 23મા અને કેદાર જાધવ 26મા ક્રમે છે. ઓલરાઉન્ડર હાર્દિક પંડ્યા બેટિંગમાં 83મા ક્રમે છે.

બોલિંગમાં ટીમના બે સ્પિનર કુલદીપ યાદવ સાતમા ક્રમે અને યુઝવેન્દ્ર ચહલ આઠમા ક્રમે છે. ઝડપી બોલર ભુવનેશ્વર કુમાર 16મા ક્રમે, ઓલરાઉન્ડર રવિન્દ્ર જાડેજા 31મા અને પંડ્યા 61મા ક્રમે છે.