આંતરરાષ્ટ્રીય ક્રિકેટ પરિષદે ટી20 વર્લ્ડ કપના શેડ્યુઅલની ઘોષણા કરી દીધી છે. ICC ટી20 વર્લ્ડકપ 17 ઓક્ટોબરથી 14 નવેમ્બર વચ્ચે રમાશે.
T20 વર્લ્ડ કપનું શૅડ્યૂલ થયુ જાહેર
ભારત અને પાકિસ્તાન આમને સામને
14 નવેમ્બરે રમાશે ફાઇનલ
UAEમાં રમાશે મૅચ
ટી20 મૅચ દુબઇમાં રમાશે અને ભારત પોતાની પહેલી મેચ 24 ઓક્ટોબરે પાકિસ્તાન વિરુદ્ધ રમશે અને બીજી મૅચ ન્યૂઝીલેન્ડ વિરુદ્ધ રમશે. ત્રીજી મૅચ 31 ઓક્ટોબરે અફઘાનિસ્તાન સામે રમાશે. તે સિવાય 5 નવેમ્બર અને 8 નવેમ્બરે પણ મુકાબલો થશે.
ભારત 5 નવેમ્બરે એક મૅચ રમશે અને તે દિવસે જ ભારતીય કપ્તાન વિરાટ કોહલીનો જન્મદિવસ પણ છે.
કયા સમયે રમાશે મૅચ
ભારતીય ટીમની દરેક મૅચ ભારતીય સમય અનુસાર સાંજે 7.30 વાગ્યાથી શરૂ થશે. ભારત ચાર મૅચ દુબઇમાં અને એક મૅચ અબૂધાબીમાં રમશે. 15 નવેમ્બર સોમવારે ટી 20 ફાઇનલ માટે રિઝર્વ ડે હશે.