યુક્રેન અને રશિયા વચ્ચે ચાલી રહેલા યુદ્ધ વચ્ચે રશિયાના રાષ્ટ્રપતિ પુતિનની મુશ્કેલીમાં વધારો થયો છે. બાળકોના અધિકાર મામલામાં વિશ્વ અદાલત દ્વારા પુતીનની ધરપકડના વોરંટ જાહેર કરવામાં આવ્યો છે. શુક્રવારે આ અંગે ઇન્ટરનેશનલ ક્રિમિનલ કોર્ટે યુક્રેનના બાળકોને ગેરકાયદે રીતે દેશમાંથી નિકાલ કરવાના કેસ સંબંધમાં પુતીનની ધરપકડ વોરંટ જાહેર કર્યો છે. બીજી બાજુ આવા જ આરોપસર રશિયાના પ્રેસિડેન્શિયલ કમિશનર ફોર ચિલ્ડ્રન્સ રાઇટ્સ મારિયા લ્વોવા-બેલોવા સામે પણ વોરંટ જાહેર કરાયુ છે. જોકે મોસ્કો દ્વારા આ આરોપોને નકારી કઢાયા છે.
— VTV Gujarati News and Beyond (@VtvGujarati) March 17, 2023
ચીનના રાષ્ટ્રપતિ શી જિનપિંગ ત્રણ દિવસ સુધી રશિયાની મુલાકાતે
આંતરરાષ્ટ્રીય અદાલતે રશિયાના રાષ્ટ્રપતિને નોટિસ ફટકાર્યા બાદ હવે ગમે તે ઘડીએ પુતિનની ધરપકડ થઈ શકે તેવુ જાણકારો કહી રહ્યા છે. મહત્વનું છે કે સોમવારથી રશિયાના સમર્થન મામલે ચીનના રાષ્ટ્રપતિ શી જિનપિંગ ત્રણ દિવસ સુધી રશિયાની મુલાકાતે જઇ શકે છે. સૂત્રો પાસેથી એવી પણ જાણકારી મળી રહી છે કે યુક્રેન પર ચાલી રહેલા આક્રમણ અને પશ્ચિમ અને પૂર્વ વચ્ચેના વણસેલા સંબંધો વચ્ચે રશિયાના રાષ્ટ્રપતિ વ્લાદિમીર પુતિન તેમના ચીની સમકક્ષ સાથે પૂર્વ યુરોપીય દેશમાં સંઘર્ષ અંગે ચર્ચા કરે તેવું જણાઈ રહ્યું છે.
યુક્રેનના રાષ્ટ્રપતિ વોલોદિમિર ઝેલેન્સકીએ કહ્યું
ઇન્ટરનેશનલ ક્રિમિનલ કોર્ટ (ICC) ના ન્યાયાધીશોએ યુક્રેનના મામલામાં રશિયન રાષ્ટ્રપતિ પુતિનને મોટો ઝટકો આપ્યા બાદ યુક્રેનના રાષ્ટ્રપતિ વોલોદિમિર ઝેલેન્સકીએ આ મામલે કહ્યું, હતું કે પુતિન વિરુદ્ધ ICCનું વોરંટ એ તો માત્ર શરૂઆત છે. વધુમાં કહ્યું કે પુતિન વિરુદ્ધ ધરપકડ વોરંટનો આ નિર્ણય રશિયાના આક્રમણ પર ન્યાય સ્થાપવાની દિશાનું પ્રથમ પગથિયું છે.