ઇંગ્લેન્ડ તથા વેલ્સમાં 30 મેથી ક્રિકેટના મહાકુંભ એટલે કે ICC વર્લ્ડકપની શરૂઆત થશે. ક્રિકેટના આ મોટા ટાઇટલને જીતવા માટે 10 ટીમો એકબીજા સાથે ટકરાશે. આ વર્લ્ડકપ ફોર્મેટમાં ફેરફાર થયો છે અને આ વખતે રાઉન્ડ રોબિન ફોર્મેટમાં ટીમો ટાઇટલ જીતવા માટે પ્રયાસ કરશે. વર્લ્ડકપની આ સિઝનમાં કુલ 10 ટીમો દરેક ટીમ સામે રમશે, આ ઉપરાંત 7 નવા નિયમો લાગૂ કરવામાં આવ્યા છે.
આ નિયમો આમ તો 2015ના વર્લ્ડકપ પછીથી ICCની મેચોમાં લાગૂ કરાયા છે, પરંતુ પહેલી વખત તેનો વર્લ્ડકપની મેચોમાં અમલ થવા જઇ રહ્યો છે. આ વર્લ્ડકપમાં કયા ક્રિકેટમાં લાગી થવાના છે તે જાણો...
- જો કોઇ બૉલર નૉ બોલ ફેંકવા પર જો બાઇ અથવા લેગબાયથી રન બનતા તો તેને નૉ બોલમાં જોડી લેવામાં આવતા. પરંતુ હવે એવુ નહી થાય. નૉ બોલ પર બાય-લેગબાયનના રન અલગથી ગણવામાં આવશે.
- પહેલા રન આઉટ અથવા સ્ટમ્પિંગના મામલામાં બેટ ઑન ધ લાઇન હોવા પર ખેલાડીને નોટ આઉટ આપવામાં આવતો, પરંતુ આ નિયમ બદલાઇ ચૂક્યો છે. જો હવે બેટ લાઇન પર હશે તો પણ આઉટ આપવામાં આવશે. પરંતુ જો બેટ્સમેનનો પગ કે બેટ લાઇનની અંદર હવામાં હશે તો બેટ્સમેનને આઉટ નહી આપવામાં આવે.
- નવા નિયમ અનુસાર બોલ બે વખત બાઉન્સ થયો તો નૉ બોલ આપવામાં આવશે. જો બૉલર બોલિંગ કરે અને બોલ 2 ટપ્પા સાથે બેટ્સમેન પાસે પહોંચે છે. તો બૉલ નૉ બૉલ માનવામાં આવશે. એવામાં બેટ્સમેનને ફ્રી હિટ પણ મળશે.
- કોઈ ખેલાડી ખરાબ વ્યવહાર કરે છે તો અમ્પાયર તેને મેદાનની બહાર મોકલી શકે છે. ICC કોડ ઑફ કન્ડક્ટના લેવલ 4ની કલમ 1.3 હેઠળ અમ્પાયરને આ અધિકાર મળેલો છે. જો અમ્પાયરને લાગ્યુ છે કે કોઇ ખેલાડી યોગ્ય વ્યવહાર નથી કરી રહ્યો તો આ નિયમ હેઠળ તેને દોષી માનીને તરત જ બહાર મોકલી શકે છે.
- અમ્પાયર્સ કોલ પર હવે રિવ્યૂ સિસ્ટમ બેકાર નહીં જાય. કોઈ બેટ્સમેન અથવા ફિલ્ડિંગ ટીમ DRSનો નિર્ણય લે છે, તો અમ્પાયર્સ કોલના કારણે તેમનો નિર્ણય માન્ય રહે છે પરંતુ આ સ્થિતિ ટીમનો રિવ્યૂ બેકાર નહી જાય.
- રમતમાં સંતૂલન બનાવી રાખવા માટે બેટની પહોળાઈ અને લંબાઈ નક્કી કરાઇ છે. હવે બેટના આકારનું બધાએ પાલન કરવુ પડશે. બેટની પહોળાઈ 108 મીમી, મોટાઈ 67 મીમી અને ધાર 40 મીમીથી વધારે ન હોવો જોઇએ. તેમ છતાં અમ્પાયરને શંકા જાય છે તો તે બેટ ગેજથી બેટની પહોળાઈ માપી શકે છે.
- કોઈ બેટ્સમેનનો શોટ જો ફિલ્ડરના હેલ્મેટને વાગીને ઉછળે અને કોઈ ફિલ્ડર તેને કેચ કરી લે તો બેટ્સમેનને આઉટ આપવામાં આવશે.