કાર્યવાહી / ટીમ ઇન્ડિયાની જીત સાથે જ ICC એક્શનમાં: રવિન્દ્ર જાડેજાને આપ્યો મોટો ઝટકો, ફટકારાયો દંડ

• ભારતીય ટીમના ઓલ રાઉન્ડર રવિન્દ્ર જાડેજા વિવાદમાં
• રવિન્દ્ર જાડેજા માટે ખરાબ સમાચરા
• ઓલરાઉન્ડર રવિન્દ્ર જાડેજા પર મોટા એક્શનના મૂડમાં આઈસીસી

ભારત અને ઓસ્ટ્રેલિયા વચ્ચે રમાયેલી ટેસ્ટ મેચમાં ભારતે જબરદસ્ત જીત હાંસલ કરી લીધી છે. જેમાં ભારતે મહેમાન ટીમને 132 ઇનિંગ્સથી હરાવ્યું હતું. ઇનિંગ્સના ત્રીજા દિવસે ભારતે આ જીત પોતાને નામ કરી હતી. જીતના આ ઉત્સાહ વચ્ચે ટીમ ઈન્ડિયાના એક ખેલાડી માટે ખરાબ સમાચાર સામે આવી રહ્યા છે. ભારત અને ઓસ્ટ્રેલિયા વચ્ચેની આ ક્રિકેટ મેચમાં પગેલા દિવસે ભારતીય ટીમના ઓલ રાઉન્ડર રવિન્દ્ર જાડેજા વિવાદમાં આવ્યા છે જેને લઇને તેના પર એક્શન લેવાઈ રહ્યા છે.

25 ટકા દંડ પણ ફટકાર્યો

ભારત અને ઓસ્ટ્રેલિયા વચ્ચેની ઈનિંગ્સના પહેલા દિવસે એટલે કે 9 ફેબ્રુઆરી, ગુરુવારે પ્રથમ ઇનિંગની 46મી ઓવરમાં રવિન્દ્ર જાડેજા તેની આંગળીમાં ક્રીમ લગાવતો હોય તેવા દાવા સાથેનો વીડિયો વાયરલ થયો હતો. જે વીડિયો ફૂટેજમાં રવિન્દ્ર જાડેજાએ મોહમ્મદ સિરાજની હથેળીમાંથી કંઈક લીધું અને જે વસ્તુને તેની ડાબી બાજુએ લગાવી હોવાનું વીડિયોમાં જણાતું હતુ. ત્યારબાદ ખેલાડીઓ અને સપોર્ટ મેને માટે ICC કોડ ઓફ કન્ડક્ટની કલમ 2.20 નો ભંગ હોવાનું ICC એ પણ સ્વીકાર્યુ છે. જેને પગલે રવિન્દ્ર જાડેજાને તેની મેચ ફીના 25 ટકા દંડ પણ ફટકારવામાં આવ્યો હતો.

ઉલ્લેખનીય છે કે ઇન્ડિયા અને ઓસ્ટ્રેલિયા વચ્ચે નાગપુરમાં રમાયેલી ટેસ્ટ મેચ બાદ આઈસીસીએ ટીમ ઇન્ડિયાના ઓલરાઉન્ડર રવિન્દ્ર જાડેજા પર મોટો ઝટકો આપી દંડાત્મક કાર્યવાહી કરવામાં આવી છે.