આઇસીસી દ્વારા જાહેર કરવામાં આવેલા રેન્કીંગમાં બે ભારતીય ઓલરાઉન્ડર્સ સ્થાન બનાવવામાં સફળ થયા હતા.
ICC દ્વારા રેંકિંગની યાદી બહાર પાડવામાં આવી છે. જેમાં ઓલરાઉન્ડર્સની યાદીમાં બે ભારતીય બોલરોએ પણ સ્થાન બનાવ્યું હતું.
ભારત તરફથી રવિન્દ્ર જાડેજાએ ઇંગ્લેન્ડ સામેની પ્રથમ ટેસ્ટ મેચમાં પણ સારું પ્રદર્શન કર્યું હતું. રવીન્દ્ર જાડેજાએ અર્ધી સદી ફટકારી ભારતને મજબૂત સ્થિતિ અપાવી હતી. રવીન્દ્ર જાડેજાને ટેસ્ટ ઓલરાઉન્ડરના રેન્કિંગમાં બીજો ક્રમ મળ્યો હતો. આ જ યાદીમાં રવીચંદ્રન અશ્વિનને પણ સ્થાન મળ્યું હતું. અશ્વિનને આ યાદીમાં ચોથો ક્રમ આપવામાં આવ્યો હતો. આમ બે ભારતીય બોલરોએ ટેસ્ટ ઓલરાઉન્ડર રેન્કિંગમાં સ્થાન બનવ્યું હતું.ઓલરાઉન્ડર્સના વનડે રેન્કિંગમાં રવિન્દ્ર જડેજા નવમા ક્રમે છે.
ત્રણ ભારતીય બેટ્સમેન ટોપ ટેનમાં
ટેસ્ટ રેન્કિંગમાં ત્રણ ભારતીય બેટ્સમેનોએ ટોપ ટેનમાં સ્થાન બનાવ્યું હતું. પરંતુ ભારતીય કેપ્ટન વિરાટ કોહલી પાંચમા ક્રમે પહોંચી ગયો છે જ્યારે રોહિત શર્મા છઠ્ઠા અને યુવા વિકેટકીપર બેટ્સમેન રિષભ પંત સાતમા ક્રમે છે. જો કે વનડે રેન્કિંગમાં કપ્તાન કોહલી બીજા ક્રમે અને રોહિત શર્મા ત્રીજા ક્રમે છે. આ સાથે પ્રથમ ટેસ્ટમાં શાનદાર પ્રદર્શન કરનાર ઈંગ્લીશ કેપ્ટન જો રૂટ ચોથા ક્રમે પહોંચી ગયો હતો.
↗️ Jasprit Bumrah is back in the top 10
↗️ James Anderson, Joe Root move up
Players from England and India make gains in the latest @MRFWorldwide ICC Men's Test Rankings.
ટીમોનાં રેન્કિંગમાં ભારત બીજા ક્રમે
આઈસીસી ટેસ્ટ રેન્કિંગમાં ભારત બીજા ક્રમે છે જ્યારે પ્રથમ ક્રમે ભારત સામે વર્લ્ડ ટેસ્ટ ચેમ્પિયનશીપ ફાયનલમાં વિજેતા ન્યુઝીલેન્ડની ટિમ છે. આ સિવાય ઓસ્ટ્રેલિયા ત્રીજા અને ઇંગ્લેન્ડ ચોથા ક્રમે રહ્યા હતા. વનડે રેન્કિંગમાં ભારત ચોથા ક્રમે રહ્યું હતું જ્યારે પ્રથમ ત્રણ ક્રમે ન્યુઝીલેન્ડ, ઇંગ્લેન્ડ અને ઓસ્ટ્રેલિયાની ટિમો રહી હતી.
બુમરાહ-અશ્વિનની ચડતી
ટેસ્ટ રેન્કિંગમાં ભારતિય બોલર બુમરાહ નવમા ક્રમે અને અશ્વિન બીજા ક્રમે રહ્યા હતા જ્યારે વનડે રેન્કિંગમાં એક માત્ર બુમરાહને સ્થાન મળ્યું હતું. બુમરાહ વનડે બૉલર્સ રેન્કિંગમાં સાતમાં ક્રમે રહ્યો હતો.