ICCએ ભાગ લેનાર દેશો માટે પોતાના અંતિમ 15 ખેલાડીઓ, કોચ અને સહયોગી સદસ્યોના આઠ અધિકારીઓની યાદી મોકલવા માટે 10 સપ્ટેમ્બરની સમય મર્યાદા નક્કી કરી છે.
ટી 20 વિશ્વ કપમાં 15 ખેલાડીઓને લાવવાની મંજૂરી
કોચ અને સહયોગી સ્ટાફ સહીત કુલ 8 અધિકારીઓ
10 સપ્ટેમ્બર સુધી મોકલી આપવી પડશે યાદી
આંતરરાષ્ટ્રીય ક્રિકેટ પરિષદ (ICC)એ આવનાર ટી20 વિશ્વ કપમાં ભાગ લેનાર દેશોને યુએઈમાં ટુર્નામેન્ટ માટે 15 ખેલાડીઓ અને આઠ અધિકારીઓને લાવવાની પરવાનગી આપી છે. પાકિસ્તાન ક્રિકેટ બોર્ડના એક અધિકારીએ શુક્રવારે પુષ્ટિ કરી હતી કે આઈસીસીએ ભાગ લેનાર દેશો માટે પોતાના છેલ્લા 15 ખેલાડીઓ, કોચ અને સહયોગી સદસ્યોના આઠ અધિકારીઓની યાદી મોકલવા માટે 10 સપ્ટેમ્બર સુધીની સમય સીમા નક્કી કરી છે.
અધિકારીએ જણાવ્યું કે, "ICCના કોવિડ-19 અને બાયો-બબલની સ્થિતિને જોતા ટી 20 વિશ્વ કપમાં ભાગ લેનાર દેશોના મોટાભાગના ખેલાડીઓની ટીમને સાથે લાવવાની પરવાનગી આપી દીધી છે પરંતુ તેનો ખર્ચ સંબંધિત બોર્ડ્સે કરવાનો રહેશે."
તેમણે જણાવ્યું કે, "આઈસીસી ફક્ત 15 ખેલાડીઓ અને આઠ અધિકારીઓનો ખર્ચ કરે છે." વર્ષ 2016 બાદ પહેલી વખત થઈ રહેલા ટી 20 વિશ્વ કપનું આયોજન 17 ઓક્ટોબરથી 14 નવેમ્બર સુધી ઓમાન અને યુએઈમાં થશે.
આઠ દેશોની ક્વોલીફાઈંગ ટૂર્નામેન્ટને 23 સપ્ટેમ્બરથી રમવામાં આવશે જેમાં શ્રીલંકા, બાંગ્લાદેશ અને આયરલેન્ડની ટીમો પણ શામેલ છે. તેમાંથી ચારી ટીમો સુપર-12માં ક્વાલીફાઈ થશે.
અધિકારીના જણાવ્યા અનુસાર, "એ હવે બોર્ડ પર નિર્ભર કરે છે કે તે કોવિડ-19 સ્થિતિને જોતા પોતાની મુખ્ય ટીમની સાથે કેટલા વધુ ખેલાડીઓ રાખવા માંગે છે. મુખ્ય ટીમથી જો કોઈ ખેલાડી કોવિડ-19 પોઝિટિવ આવે છે અથવા તેને ઈજા પહોંચે છે તો વધુ ખેલાડીઓમાંથી કોઈ તેની જગ્યા લઈ શકે છે."