IPLIN
 

બ્યુટી વિથ ટેલેન્ટ / હમારી છોરીયાં છોરો સે આગે હૈ! ભારતની આ મહિલા ક્રિકેટરને ICC એ સર્વશ્રેષ્ઠ મહિલા ખેલાડીનો ઍવોર્ડ આપ્યો

Team VTV 08:31 AM, 25 Jan 22 | Updated: 08:41 AM, 25 Jan 22
Follow us
icc awarded smriti mandhana as best womens cricketer of the year

ICC Awards ની જાહેરાત થઈ ચૂકી છે, જેમાં પુરુષોમાંથી એક પણ ખેલાડી એવોર્ડ જીતી શક્યો નથી જ્યારે Women’s Cricketer of the Year 2021 તરીકે ભારતીય ખેલાડીની પસંદગી થઈ હતી.

  • ICC Awards ની જાહેરાત થઈ ચૂકી છે 
  • ભારતના એક પણ પુરુષ ક્રિકેટરને ઍવોર્ડ નથી મળ્યો 
  • મહિલા ખેલાડી સ્મૃતિ મંધનાએ મારી બાજી 

ICC Women’s Cricketer of the Year 2021: ભારતીય મહિલા ક્રિકેટ ટીમની ખેલાડી સ્મૃતિ મંધાના વર્ષ 2021ની શ્રેષ્ઠ મહિલા ક્રિકેટર બની છે. ગયા વર્ષે આંતરરાષ્ટ્રીય ક્રિકેટમાં તેની જોરદાર ઈનિંગ્સના કારણે આ વખતે તેને 'રચેલ હેહો ફ્લિન્ટ' ટ્રોફી માટે પસંદ કરવામાં આવ્યો છે. આ ટ્રોફી વર્ષની સર્વશ્રેષ્ઠ મહિલા ક્રિકેટરને આપવામાં આવે છે.

યાદગાર ઈનિંગ્સ રમી 

સ્મૃતિ મંધાનાએ ગયા વર્ષે ઘણી યાદગાર ઇનિંગ્સ રમી હતી. મર્યાદિત ઓવરોની ક્રિકેટમાં, સ્મૃતિ મંધાનાએ દક્ષિણ આફ્રિકા સામેની હોમ સિરીઝમાં સંઘર્ષ કરી રહેલી ટીમ ઈન્ડિયા માટે ઘણા રન બનાવ્યા હતા. ભારતને દક્ષિણ આફ્રિકા સામેની 8 મેચમાં માત્ર 2 જીત મળી છે. આ બંને જીતમાં મંધાનાની ખાસ ભૂમિકા હતી. દક્ષિણ આફ્રિકા સામેની બીજી વનડેમાં તેણે 80 રનની અણનમ ઇનિંગ રમીને ભારતીય ટીમને 158 રનનો ટાર્ગેટ અચિવ કરાવી આપ્યો  હતો. તો દક્ષિણ આફ્રિકાની ટીમ સામે છેલ્લી T20 માં, તેણે 48 રનની અણનમ ઇનિંગ રમીને ભારતને જીત અપાવી હટી. 

સ્મૃતિએ ઈંગ્લેન્ડ સામે ડ્રો થયેલી ટેસ્ટમાં પણ 78 રનની યાદગાર ઇનિંગ રમી હતી. ઈંગ્લેન્ડ સામેની વનડે શ્રેણીમાં ભારતનો એકમાત્ર વિજય તેની 49 રનની ઈનિંગને કારણે મળ્યો હતો. ઓસ્ટ્રેલિયા સામે પણ આ ખેલાડી શાનદાર લયમાં જોવા મળી હતી. તેણે ઓસ્ટ્રેલિયા સામે રમાયેલી એકમાત્ર ટેસ્ટમાં કારકિર્દીની પ્રથમ સદી પણ ફટકારી હતી. તેણીને મેન ઓફ ધ મેચ જાહેર કરવામાં આવી હતી.

મંધાનાએ વર્ષ 2021માં 22 આંતરરાષ્ટ્રીય મેચ રમી હતી. જેમાં તેણે 38.86ની એવરેજથી 855 રન બનાવ્યા હતા. આ દરમિયાન તેણે એક સદી અને પાંચ અડધી સદી પણ ફટકારી હતી.

મંધાનાની આંતરરાષ્ટ્રીય ક્રિકેટમાં પાંચ સદી

25 વર્ષની સ્મૃતિ મંધાનાએ અત્યાર સુધી 62 વનડેમાં 41.70ની એવરેજથી 2377 રન બનાવ્યા છે. તેણે ODI ક્રિકેટમાં 4 સદી ફટકારી છે.

T20 ક્રિકેટમાં પણ તેનો રેકોર્ડ શાનદાર રહ્યો છે. 84 T20 આંતરરાષ્ટ્રીય મેચોમાં તેણે 25.93ની સરેરાશથી 1971 રન બનાવ્યા છે.

મંધાનાએ તેની કારકિર્દીમાં 4 ટેસ્ટ મેચ પણ રમી છે. જેમાં તેણે 46.42ની એવરેજથી 325 રન બનાવ્યા છે. તેણે ટેસ્ટમાં પણ સદી ફટકારી છે

ICC Awards Women’s Cricketer of the Year smriti mandhana Gujarati News Cricket
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ