ખેલદિલી / વિરાટે દાખવી વિરાટ ખેલદિલી, આઈસીસીએ વીડિયો શેર કરી લખ્યું કંઈક આવું

• આઈસીસીએ વિરાટ અને રુટનો વીડિયો શેર કર્યો
• જો રુટનાં જમણા પગમાં આવ્યું ખેંચાણ
• બીસીસીઆઈએ પણ ધોનીને યાદ કર્યો

રુટે કૌશલ, ટેકનીક અને સ્ટ્રોક રમવાની કળાનું પ્રદર્શન કર્યું
કોહલીની ખેલ ભાવનાની સામે જો રુટની બેવડી સદી ધરાવતી ઈનિંગ પર ફીકી લાગી રહી હતી. ચેન્નાઈમાં રમાઈ રહેલ ચેપોકની પીચ ઘણી સપાટ અને ધીમી જણાઈ રહી છે જેમાં જો રુટને સ્પિનરો વિરુદ્ધ સ્વીપ અને રિવર્સ સ્વીપ કરવામાં જરા પણ અડચણ નહોતી આવી. એવુ લાગી રહ્યું હતું કે તે શ્રીલંકા વિરુદ્ધની 228 અને 186 રનોની ઈનિંગને આગળ ધપાવી રહ્યો હતો. તેણે પોતાનાં કૌશલ, ટેકનીક અને સ્ટ્રોક રમવાની કળાનું શાનદાર ઉદાહરણ પૂરુ પાડ્યુ હતું. 

જમણા પગમાં ખેંચાણ આવ્યું 
87માં ઓવરમાં પગમાં ખેંચાણ આવ્યા છતા તેણે અશ્વિનના બોલ પર છક્કો માર્યો હતો. તે શોટ રમતી વખતે રુટના પગમાં ખેંચાણ વધી ગયું હતું અને ખેંચાણને લીધે તે જમીન પર પડી ગયો હતો. જમીન પર પડતા તેણે ફિઝિયોને બોલાવવાનો ઇશારો કરી દીધો હતો. પણ ફિઝિયોના આવતા ભારતીય કેપ્ટન વિરાટ કોહલી તેની મદદે પહોંચી ગયો હતો. કોહલીએ રુટનાં જમણા પગને સ્ટ્રેચિંગ કરવાનું શરુ કરી દીધુ હતું.

આઈસીસીએ વીડિયો ટ્વીટર પર શેર કર્યો
આઈસીસીએ આ ઘટનાનો વીડિયો ટ્વીટર પર શેર કર્યો હતો. જેમાં લખ્યું હતું કે, વિરાટ કોહલીએ દિલ જીતવાવાળી ખેલદિલી દાખવી છે. વિરાટ કોહલીની આ ખેલદિલીની ભાવનાને જોઈને બીસીસીઆઈએ પણ ધોનીને યાદ કરીને એક વીડિયો શેર કર્યો હતો જેમાં ધોની સાઉથ આફ્રિકાનાં પ્લેયરને સ્ટ્રેચિંગ કરતો નજરે પડે છે. ધોનીએ 2015માં મુંબઈમાં રમાયેલ મેચમાં દક્ષિણ આફ્રિકાનાં બેટ્સમેન ફાફ ડુપ્લેસિસની સ્ટ્રેચિંગ કરી હતી.