સ્પોર્ટ્સ / ICC એ જાહેર કર્યો બીજી વર્લ્ડ ટેસ્ટ ચેમ્પીયનશીપનો કાર્યક્રમ, જાણો કોની સામે ટકરાશે ભારત

• તાજેતરમાં પ્રથમ વર્લ્ડ ટેસ્ટ ચેમ્પીયનશીપમાં ન્યુઝીલેન્ડ વિજેતા બન્યું હતું
• આ સાથે નવી પોઈન્ટ સીસ્ટમની પણ જાહેરાત કરવામાં આવી છે. 
• નવ ટીમો બે વર્ષ દરમિયાન ટકરાશે આમને સામને 

કેવું છે નવું માળખું?

બીજી વર્લ્ડ ટેસ્ટ ચેમ્પીયનશીપમાં કુલ નવ દેશો એકબીજા સામે બાથ ભીડશે. દરેક દેશ કુલ છ શ્રેણીઓ રમશે. જે પૈકી ત્રણ શ્રેણી ઘરઆંગણે અને ત્રણ શ્રેણી વિદેશની ધરતી પર રમવાની રહેશે. ડીફેન્ડીંગ ચેમ્પિયન ન્યુઝીલેન્ડને  સાઉથ આફ્રિકા, બાંગ્લાદેશ અને શ્રીલંકા સામે ઘરઆંગણે તથા ઇંગ્લેન્ડ, ભારત અને પાકિસ્તાન સામે બહાર જઈને રમશે. 

 
કોની સામે રમશે ભારત?

Some cracking fixtures to look out for in the next edition of the ICC World Test Championship 🔥

The #WTC23 schedule 👇 pic.twitter.com/YXzu5lS0t1

— ICC (@ICC) July 14, 2021

ભારતીય કપ્તાન વિરાટ કોહલીની આગેવાની હેઠળ ભારતીય ક્રિકેટ ટીમ શ્રીલંકા, ન્યુઝીલેન્ડ અને ઓસ્ટ્રેલીયા સામે ઘરઆંગણે શ્રેણી રમશે તો ઇંગ્લેન્ડ, બાંગ્લાદેશ અને સાઉથ આફ્રિકા સામે તેમની ધરતી પર શ્રેણી રમશે. ઉલ્લેખનીય છે કે તાજેતરમાં પ્રથમ વર્લ્ડ ટેસ્ટ ચેમ્પીયનશીપની ફાયનલમાં ભારતનો ન્યુઝીલેન્ડ સામે પરાજય થયો હતો.

નવી ઉર્જા સાથે મેદાનમાં ઉતરશે ભારત
ભારતીય કપ્તાન વિરાટ કોહલીએ કહ્યું હતું કે,"અમે ફરી નવી ઉર્જા એકઠી કરી નવા ઉત્સાહ સાથે ઇંગ્લેન્ડ સામે મેદાનમાં ઉતરશું, આશા છે કે આમારા ચાહકોનો પણ ઉત્સાહ વધશે.