Champions Trophy / ચેમ્પિયન્સ ટ્રોફીના મેચ ભારતમાં ક્યારે અને કેવી રીતે લાઈવ જોઈ શકાય? ICCએ કરી જાહેરાત

19 ફેબ્રુઆરીથી પાકિસ્તાન અને UAEમાં ચેમ્પિયન્સ ટ્રોફીનો પ્રારંભ થશે. ભારત અને પાકિસ્તાન વચ્ચેના રાજકીય મુદ્દાઓને કારણે આ ટુર્નામેન્ટ હાઇબ્રિડ મોડેલના આધારે રમાઈ રહી છે. ટીમ ઈન્ડિયા 20 ફેબ્રુઆરીથી બાંગ્લાદેશ સામે પોતાના અભિયાનની શરૂઆત કરશે. બાંગ્લાદેશ ઉપરાંત ભારતના ગ્રુપમાં પાકિસ્તાન અને ન્યુઝીલેન્ડની ટીમો પણ શામેલ છે. ટીમ ઈન્ડિયા 23 ફેબ્રુઆરીએ પાકિસ્તાન સામે રમશે, જ્યારે ભારત 2 માર્ચે ન્યૂઝીલેન્ડ સામે છેલ્લી લીગ મેચ રમશે. આ ટુર્નામેન્ટમાં કુલ 8 ટીમો ભાગ લઈ રહી છે, જેમને 4-4 ના બે ગ્રુપમાં વહેંચવામાં આવી છે. દરેક ગ્રુપમાંથી બે ટીમો સેમિફાઇનલમાં પ્રવેશ કરશે. ચેમ્પિયન્સ ટ્રોફીની ફાઇનલ 9 માર્ચે રમાશે.

ચેમ્પિયન્સ ટ્રોફી શરૂ થાય તે પહેલાં ICC એ ટુર્નામેન્ટના બ્રોડકાસ્ટર્સની વિગતો શેર કરી છે. રિલીઝ મુજબ ભારતીય ચાહકો JioStar પર ચેમ્પિયન્સ ટ્રોફીનો આનંદ માણી શકે છે. ડિજિટલ પ્લેટફોર્મ JioStar પર પહેલી વાર, ICC ટુર્નામેન્ટનું 16 ફીડ્સમાં નવ અલગ અલગ ભાષાઓમાં લાઇવ સ્ટ્રીમિંગ કરવામાં આવશે. જેમાં અંગ્રેજી, હિન્દી, મરાઠી, હરિયાણવી, બંગાળી, ભોજપુરી, તમિલ, તેલુગુ અને કન્નડનો સમાવેશ છે. એ પણ નોંધનીય છે કે ભારતીય સાંકેતિક ભાષા ફીડ અને ઓડિયો કોમેન્ટ્રી પણ JioStar પર સ્ટ્રીમ કરવા માટે ઉપલબ્ધ રહેશે.

ટીવી પર અંગ્રેજી ફીડ ઉપરાંત સ્ટાર સ્પોર્ટ્સ અને સ્પોર્ટ્સ 18 ચેનલો પર હિન્દી, તમિલ, તેલુગુ, કન્નડમાં કવરેજ કરશે. પાકિસ્તાનની વાત કરીએ તો ચાહકો ચેમ્પિયન્સ ટ્રોફી પીટીવી અને ટેન સ્પોર્ટ્સ દ્વારા અને ડિજિટલી માયકો અને તમાશા એપ્સ દ્વારા જોઈ શકે છે. UAE અને મધ્ય પૂર્વ અને ઉત્તર આફ્રિકા ક્ષેત્રમાં આ માર્કી ઇવેન્ટ CricLife MAX અને CricLife MAX2 પર જોવા માટે ઉપલબ્ધ કરાવવામાં આવશે, જ્યારે સ્ટ્રીમિંગ STARZPLAY પર ઉપલબ્ધ થશે.

વધુ વાંચો : VIDEO : ચેમ્પિયન્સ ટ્રોફી રમવા દુબઈ ઉપડી ટીમ ઈન્ડિયા, રોહિત પર્સનલ કાર લઈને પહોંચ્યો

સ્કાયસ્પોર્ટ્સ યુકેમાં પ્રસારણ ફરજો સંભાળશે, જ્યારે વિલોટીવી યુએસએ અને કેનેડામાં ટુર્નામેન્ટ જોવા માટે ઉપલબ્ધ કરાવશે. વધુમાં એમેઝોન ઓસ્ટ્રેલિયન ચાહકો માટે સ્પર્ધાનું પ્રસારણ કરશે, જ્યારે સુપરસ્પોર્ટ દક્ષિણ આફ્રિકાના ચાહકો માટે ઉપલબ્ધ રહેશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ