ભારત માટે હિંદ મહાસાગરમાં ખાસ આત્મીયતા રાખતા પડોસી દ્વીપ સમૂહ માલદીવ તરફથી એક ખુશખબર આવી છે. માલદીવમાં રવિવારે યોજાયેલ ચૂંટણી બાદ માલદિવિયન ડેમોક્રેટિક પાર્ટી (એમડીપી) ઇબ્રાહિમ મોહમ્મદ સોલેહનો ભવ્ય વિજય થતાં સમર્થકોમાં ખુશીનું વાતાવરણ જોવા મળ્યું હતું. ભારે રસાકસી બાદ તેમણે માલદીવના વર્તમાન રાષ્ટ્રપતિ અબ્દુલ્લા યામીનને હરાવ્યા હતા અને ભવ્ય વિજય પ્રાપ્ત કર્યો હતો.
આ મામલે માલદીવના ચૂંટણી આયોગે જાહેર કરેલ આંકડાઓમાં માલદિવિયન ડેમોક્રેટિક પાર્ટી (એમડીપી) ઇબ્રાહિમ મોહમ્મદ સોલેહને 58.3 ટકા વોટ મળ્યા હતા. આ ઘટના બાદ ઇબ્રાહિમ મોહમ્મદ સોલેહેએક સભાને સંબોધન કરતા આ ક્ષણને ખુશી અને ઉમ્મીદની ગણાવી હતી.
Maldives' opposition leader Ibrahim Mohamed Solih claims victory in the presidential election
આપને જણાવી દઇએ કે માલદીવના પૂર્વ રાષ્ટ્રપતિ અબ્દુલ્લા યામીનને ચીનના કટ્ટર સમર્થક ગણવામાં આવે છે. ત્યારે નવા ચૂંટાઇ આવેલા માલદિવિયન ડેમોક્રેટિક પાર્ટી (એમડીપી) ઇબ્રાહિમ મોહમ્મદ સોલિહ ભારત માટે ખાસ આત્મીયતા ધરાવે છે.
ઉલ્લેખનીય છે કે સોલેહની જીતની ઘોષણા બાદ તેના પક્ષના સમર્થકો રસ્તા પર ઉતરી આવ્યા હતા. તમામ સમર્થકોએ માલદિવિયન ડેમોક્રેટિક પાર્ટીનો પીળો ધ્વજ હાથમાં રાખીને પોતાની પાર્ટીના ઉમેદવારને બિરદાવ્યા હતા અને જશ્ન મનાવ્યો હતો. આ સાથે જ સાલેહને વિપક્ષનું પણ સમર્થન પ્રાપ્ત થયું હતું.