બેંક કર્મચારીઓની સેલેરીને લઈને બુધવારે બેંક યુનિયન અને ઈન્ડિયન IBAની વચ્ચે સહમતિ બની હતી. આ બેઠકમાં બેંક કર્મીઓની સેલેરી 15 ટકા વધારવાનો નિર્ણય લેવાયો હતો. કર્મચારીઓને એરિયર્સ પણ નવેમ્બર 2017થી આપવામાં આવશે. આ રકમ લગભગ 7898 કરોડ રૂપિયાની હશે. આ કેસ 2017થી પેન્ડિંગ હતો. બેંક યૂનિયન સતત તેની માંગ કરી રહ્યું હતુ પણ હજુ સુધી તેને લઈને કોઈ નિર્ણય આવી શક્યો ન હતો. આખરે 22 જુલાઈએ આ મુદ્દે સહમતિ બનતાં નિર્ણય લેવાયો હતો.
બેંક કર્મચારીઓ માટે સારા સમાચાર, 15 ટકા વધી સેલેરી
નવેમ્બર 2017થી દરેકને મળશે ઇન્સેન્ટિવનો ફાયદો
હવે બેંકર્સને પણ મળશે પરફોર્મન્સ લિંક્ડ ઈન્સેન્ટિવ
હવે બેંક કર્મચારીઓને પણ મળશે PLI
હવે બેંક કર્મચારીઓને માટે નવા પે સ્કેલ તૈયાર કરવામાં આવશે. આ સિવાય બેંકિંગ સેક્ટરમાં પણ PLI (પરફોર્મન્સ લિંક્ડ ઈન્સેન્ટિવ) લાગૂ કરાશે. PLI બેંકના ઓપરેટિંગ પ્રોફિટના આધારે આપવામાં આવશે. આ વાર્ષિક રીતે અપાસે અને સેલેરીથી અલગ રહેશે.
NPSમાં યોગદાન 14 ટકા
આ બેઠકમાં એ નિર્ણય પણ લેવાયો હતો કે બેંક કર્મચારીઓની સેલેરીમાંથી હવે NPSમાં યોગદાન 14 ટકા રહેશે. અત્યારે આ પ્રમાણ 10 ટકાનું છે. ઉલ્લેખનીય છે કે આ બેઝિક પે અને મોંઘવારી ભથ્થુ મળીને 10 ટકા હતું જે હવે 14 ટકા કરવાનો નિર્ણય લેવાયો છે. જો કે આ માટે સરકાર પાસેથી મંજૂરી લેવાની રહેશે.