ભારતની રાજધાનીમાં ડેપ્યુટી કમિશનરના પદ પર પોસ્ટ કરાયેલા IAS અભિષેક સિંઘ ખૂબ જ જલ્દી તેમના ફિલ્મી કરિયરની શરૂઆત કરવા જઈ રહ્યા છે. રીઅલ લાઈફના અધિકારીઓ હવે રીલની દુનિયામાં પણ પગ મૂકવા તૈયાર છે.
અભિષેક સિંહ નેટફ્લિક્સ વૅબ સીરીઝ દિલ્હી ક્રાઇમની બીજી સીઝનમાં જોવા મળશે. અભિનય સિંઘ માટે અભિનય એ એક સંપૂર્ણપણે નવો અનુભવ છે, જેમને પુસ્તકોમાં રસ છે અને અંતર્મુખી સ્વભાવ છે તે હવે અભિનયના ઓજસ પાથરતા નજરે પડશે.
દિલ્હી ક્રાઇમમાં નજર આવશે ઑફિસર
એક્ટિંગમાં કરશે ડેબ્યુ
દિલ્હીમાં પોસ્ટેડ છે અભિષેક
અભીષેકને જ્યારે પૂછવામાં આવ્યુ કે તમને એક્ટિંગમાં કેવી રીતે રસ પડ્યો ત્યારે તેમણે જણાવ્યું હતુ કે, તેમણે ક્યારેય વિચાર્યુ નહોતુ કે તે એક્ટિંગ કરશે પરંતુ જ્યારે તક મળી ત્યારે એવુ લાગ્યુ કે તેમને અભિનય પણ અજમાવવો જોઇએ. દરેક પ્રકારના અનુભવોમાંથી કંઇક શીખવા મળે છે.
સાથે જ તેમણે કહ્યું કે, હાલ તો તેમની છબિને લઇને ખાસ કંઇ વિચાર્યુ નથી પરંતુ દિલ્હી ક્રાઇમમાં એમનો રોલ એવો હશે કે જે એન્ડ ઓફ ધ સિરીઝ કોઇ મેસેજ આપશે.
કેવી રીતે મળ્યો રોલ ?
અભિષેકે પોતાને રોલ મળવાને લઇને ખુલાસો કરતા કહ્યું કે, દિલ્હી ક્રાઇમના કાસ્ટિંગ ડિરેક્ટર તેમના મિત્ર છે. જ્યારે એક ઓફિસરના રોલ માટે ઓડિશન ચાલતા હતા ત્યારે તેમણે અભઇષેકને સંપર્ક કર્યો અને કહ્યું કે રિયલ લાઇફ ઓફિસરને જ રીલ લાઇફ ઓફિસર તરીકે પ્રસ્તુત કરીએ. બાદમાં કંઇક નવુ શીખવા મળશે તેવું વિચારીને અભિષેકે હા પાડી દીધી હતી.
ડ્યુટી સાથે એક્ટિંગ
અભિષેકે જણાવ્યુ હતું કે, તે ડ્યુટી સાથે કોઇ કોમ્પ્રોમાઇઝ નહી કરે. પહેલા તેમની માટે દેશ છે બાદમાં તેમના પોતાના શોખ. માટે ડ્યુટીમાથી જેટલો સમય તે ફ્રી રહેશે એટલા જ સમયમાં શૂટિંગ કરશે.
આ પહેલા અભિષેક એક શોર્ટફિલ્મમાં પણ કામ કરી ચૂક્યા છે જેનુ નામ 'ચાર પંદ્રહ' છે. જે હોટસ્ટાર પર ઉપલબ્ધ છે અને ઘણા એવોર્ડ્સ પણ જીતી ચૂકી છે.
અભિષેકે આ કપરા સમયમાં એક બીજાનો સાથ આપવાની અપીલ કરી છે. તેમણે કહ્યું કે આપણે એકબીજાનો સાથ આપીશુ ત્યારે જ આ સંકટમાંથી બહાર આવી શકીશું.