વાયરલ / VIDEO : વાહ રે વાહ યુવાન તારી દરિયાદિલી ! કચરો વીણતી 'દાદી'ને કરિયાણાની દુકાન ખોલી આપીને છવાયો

• IAS અધિકારી અવનિશ શરણે બ્લોગરનો વીડિયો શેર કર્યો
• યુવાને વૃદ્ધ મહિલાને શાકભાજીની દુકાન કરી આપી 
• 75 વર્ષીય મહિલા કચરો વીણીને ગુજરાત ચલાવતા હતા 

દુનિયામાં અમુક લોકો માનવતાને જીવતી રાખવા માટે પેદા થયેલા હોય છે અને તેઓ કોઈને કોઈ રીતે જરુરીયાતમંદોને મદદરુપ થવા આગળ આવતા હોય છે અને તેમની મદદને કારણે કોઈનું જીવન સુખી બની જતું હોય છે. તાજેતરમાં એક યુવાને આવું જ કંઈ કામ કરીને ઈન્ટરનેટ પર છવાયો હતો. 

Humanity.🙏🙏🙏 pic.twitter.com/NUZTGEB6Cp

— Awanish Sharan (@AwanishSharan) October 18, 2022

આઈએએસ અધિકારી અવનીશ શરણે શેર કર્યો વીડિયો 
તમે જે જોવા જઇ રહ્યા છો તે માનવતા પરની તમારી શ્રદ્ધાને મજબૂત બનાવશે. આઈએએસ અધિકારી અવનીશ શરણે એક બ્લોગરનો વીડિયો શેર કર્યો છે, જેણે કચરો વીણીને ગુજરાન ચલાવાનાર 75 વર્ષીય મહિલાને શાકભાજીની દુકાન શરુ કરીને મોટી મદદ કરી હતી. 

કચરો વીણતી વૃદ્ધાની દશા જોઈને કકળી ઉઠ્યો યુવાન 
વીડિયોમાં એક વૃદ્ધ મહિલા કચરાના ઢગલામાંથી કચરો ઉપાડતી જોવા મળી રહી છે. જ્યારે પૂછવામાં આવ્યું ત્યારે મહિલાએ કહ્યું કે તે કચરો વેચીને પોતાનું ગુજરાન ચલાવે છે, દાદીની આવી દશા જોઈને તરુણ નામનો એક યુવાન કકળી ઉઠ્યો હતો અને તેમને માટે કંઈ કરી છૂટવાનું નક્કી કર્યું. તરુણે દાદીમાને પોતાને પૈસે શાકભાજીની દુકાન ખોલી આપી એટલું જ નહીં પરંતુ દુકાન માટે કેટલોક સામાન પણ લાવી આપ્યો.  શોપિંગ કરતી વખતે તરુણ વૃદ્ધ મહિલાને પણ સાથે લઈને આવ્યો હતો.