વાહ / પાપા કહેતે હૈ બડા નામ કરેગી! પહેલી જ ટ્રાયમાં IAS બની આ દીકરી, જાણીને કરશો સલામ

• UPSCની પરીક્ષા પાસ કરી છોકરી માત્ર 23 વર્ષની ઉંમરે બની IAS
• હરિયાણાના ભિવાનીના એક નાનકડા ગામમાં રહેતી છોકરીએ મેળવી સિદ્ધી
• છોકરી દરરોજ સરેરાશ 8-9 કલાક અભ્યાસ કરી બની IAS

ગ્રેજ્યુએશન બાદ શરૂ કરી તૈયારી

જોકે, કેટલાંક વિદ્યાર્થીઓ એવા પણ હોય છે, જે પ્રથમ પ્રયાસમાં પરીક્ષા પાસ કરી નાખે છે. આવી કહાની હરિયાણાના ભિવાનીના એક નાના ગામમાં રહેતી નિશા ગ્રેવાલની છે, જેણે પ્રથમ પ્રયાસમાં આઈએએસ બનવાનું સપનું પૂર્ણ કર્યુ. નિશા ગ્રેવાલના પિતા વિજળી વિભાગમાં  છે, જ્યારે તેમની માતા હાઉસ વાઈફ છે. નિશાએ 12મા ધોરણ બાદ દિલ્હી યુનિવર્સિટીમાંથી પોલિટીકલ સાયન્સમાં બીએ ઓનર્સની ડિગ્રી પાપ્ત કરી છે અને પછી યુપીએસસી પરીક્ષાની તૈયારી શરૂ કરી.

આ રીતે કરી યુપીએસસી એક્ઝામની તૈયારી

એક વેબસાઈટના રિપોર્ટ મુજબ, નિશા ગ્રેવાલે જણાવ્યું કે તેમણે યુપીએસસી પરીક્ષાની તૈયારી માટે એનસીઈઆરટીની બુકમાંથી પોતાનો પાયો મજબુત કર્યો અને ત્યારબાદ સ્ટાન્ડર્ડ બુક્સમાંથી તૈયારી કરી. આ ઉપરાંત તેમણે તૈયારી માટે ઈન્ટરનેટ પર રહેલા મટીરીયલ્સનો પણ ઉપયોગ કર્યો. નિશા જણાવે છે કે તે પરીક્ષાની તૈયારી માટે દરરોજ સરેરાશ 8-9 કલાક અભ્યાસ કરતી હતી.

શિક્ષક દાદાએ તૈયારીમાં કરી મદદ

નિશા ગ્રેવાલના દાદા રામફલ ગ્રેવાલે યુપીએસસી પરીક્ષામાં નિશાને ખૂબ સપોર્ટ કર્યો હતો. જે એક શિક્ષક છે. નિશાને તેના દાદાજીએ પર ડગલેને પગલે ખૂબ સાથ આપ્યો હતો. પરીક્ષા પાસ કર્યા બાદ તેણે તેનો જશ પોતાના દાદાને આપ્યો હતો.

ફક્ત 23 વર્ષની ઉંમરે બની IAS

નિશા ગ્રેવાલે પ્રથમ પ્રયાસમાં જ યુપીએસસી પરીક્ષામાં સફળતા પ્રાપ્ત કરી છે અને સિવિલ સેવા પરીક્ષા 2020માં ઓલ ઈન્ડિયા રેન્ક 51 પ્રાપ્ત કરી આઈએએસ બની ગઇ. તે વખતે તેની ઉંમર માત્ર 23 વર્ષ હતી.