જમ્મૂ કાશ્મીરના મુદ્દાને લઇને ગત સપ્તાહે પોતાના પદથી રાજીનામુ આપનાર IAS અધિકારી કન્નન ગોપીનાથનને સરકારને કહ્યું છે કે જ્યાં સુધી તેમના રાજીનામાનો સ્વીકાર નથી થતો, તે પાછા ફરે અને કામ કરતા રહે. ગોપીનાથને કહ્યું હતું કે જમ્મૂ કાશ્મીરમાં લોકોને 'અભિવ્યક્તિની સ્વતંત્રતા'થી વંચિત કરવામાં આવી રહ્યા છે, એમને આ સ્વીકાર્ય નહોતું.
કન્નન ગોપીનાથન કેન્દ્ર શાસિત પ્રદેશો દમણ અને દીવ, દાદરા અને નગર હવેલીના વીજળી વિભાગના સચિવ હતા. ગોપીનાથને 21 ઓગસ્ટે ગૃહ મંત્રાલયને પોતાનું રાજીનામુ સોંપ્યું હતું. દમણ અને દીવ કાર્મિકલ કર્મચારી વિભાગે એમને રાજીનામુ સ્વીકાર ન થાય ત્યાં સુધી કાર્યાલયમાં ઉપસ્થિત થવા માટે કહ્યું છે.
જોકે તે દાદરા અને નગર હવેલીની રાજધાની સિલવાસામાં હાજર નહોતા. તેથી અધિકારીઓએ સરકારી ગેસ્ટહાઉસના દરવાજા પર નોટિસ લટકાવી દીધી હતી, જ્યાં તે રહેતા હતા.
કર્મચારી અને પ્રશિક્ષણ વિભાગ (DOPT)ના નિયમોના હવાલા આપતા, નોટિસમાં કહેવામાં આવ્યું છે કે એક સરકારી અધિકારીનું રાજીનામુ ત્યારે પ્રભાવી હોય છે. જ્યારે તેને સ્વીકારવામાં આવે છે. તેથી આપને નિર્દેશ આપવામાં આવે છે કે જ્યાં સુધી આપના રાજીનામા પર કોઇ નિર્ણય ન લેવામાં આવે, ત્યાં સુધી તમે તમારા પદની જવાબદારીઓ નિભાવતા રહો. સંપર્ક કરવા પર ગોપીનાથને પીટીઆઇને જણાવ્યું કે, તેને નોટિસ અંગે નથી ખબર, પરંતુ એમણે આગળ ટિપ્પણી કરવાથી ઇનકાર કર્યો હતો.
જમ્મૂ કાશ્મીરથી અનુચ્છેદ 370 હટાવ્યા બાદ જે સ્થિતિ બની છે તેને લઇને પોતાના પદ પરથી રાજીનામુ આપનાર IAS અધિકારી કન્નન ગોપીનાથને એક ન્યૂઝ ચેનલની સાથે વાતચીમાં જણાવ્યું કે, મે માત્ર એટલા માટે રાજીનામુ આપ્યં છે કેમકે સરકાર લોકતંત્રમાં લોકોને તેના મૌલિક અધિકારથી વંચિત કરી રહી છે.
કાશ્મીરમાં સરકારે જે નિર્ણય લીધો છે તે યોગ્ય છે કે ખોટો તે વિવાદનો વિષય હોઇ શકે છે પરંતુ સરકારના આ નિર્ણય પર કાશ્મીરની જનતાને પ્રતિક્રિયા આપવાનો અધિકાર છે. પરંતુ સરકાર તેમને આ મંજૂરી નથી આપી રહી. હું તેના વિરુદ્ધમાં છું.
કન્નને કહ્યું કે આ સંવેદનશીલતા કાશ્મીર મુદ્દાથી વધારે અભિવ્યક્તિની સ્વતંત્રતાને લઇને છે. જો દેશમાં ક્યાંય પણ ખોટુ થઇ રહ્યું છે, તો તેના પર લોકોએ પ્રતિક્રિયા આપવી જોઇએ. ચૂંટવામાં આવેલી સરકારને નિર્ણય લેવાનો હક છે પરંતુ તેના પર પ્રતિક્રિયા આપનો જનતાને પણ હક છે. એમણે કહ્યું કે સરકારનો નિર્ણય એક તરફ પરંતુ તેના પર પ્રતિક્રિયા આપવી મૌલિક અધિકારી છે. અને તેનું સન્માન થવું જોઇએ.