નિધન / ગુજરાત કેડરના IAS અધિકારી મહાપાત્રાનું કોરોનાથી નિધન : લાંબા સમયથી હતા કોમામાં

• IAS ઓફિસર ગુરુપ્રસાદ મહાપાત્રાનુ નિધન
• કોરોના સામેનો જંગ હારી ગયા મહાપાત્રા
• દોઢ માસથી દિલ્લીની એઇમ્સમાં હતા દાખલ

ગુજરાત સહિત આખા દેશમાં કોરોના વાયરસની લહેર ચાલી રહી છે. વાયરસના કારણે દેશે હજારો યુવાનો ગુમાવ્યા અને સાથે સાથે ઘણા પ્રતિભાશાળી વ્યક્તિઓને પણ મહામારીએ દેશથી છીનવી લીધા. આવા જ એક સમાચાર આજે ફરી સામે આવ્યા છે જેના કારણે ગુજરાત સહિત દેશના IAS ઓફિસરોમાં શોકનું મોજું ફરી વળ્યું છે. 

છેલ્લાં દોઢ માસથી દિલ્હીની એઇમ્સ હોસ્પિ.મા હતા દાખલ
ગુજરાત કેડરનાં IAS ઓફિસર ગુરુપ્રસાદ મહાપાત્રાનું કોરોનાને લીધે નિધન થયું છે. લાંબા સમયથી તેઓ કોરોના વાયરસ સામે જંગ લડી રહ્યા હતા અને દોઢ માસથી તેઓ દિલ્હીની દિલ્હીની એઇમ્સ હોસ્પિટલમાં દાખલ હતાં. આજે સવારે તેમણે અંતિમ શ્વાસ લીધા છે. 

રાજકોટ-જૂનાગઢમાં કલેકટર તરીકે બજાવી હતી સેવા
ગુરુપ્રસાદ મહાપાત્રા 1986ની બેચનાં IAS ઓફિસર હતાં.તેમણે રાજકોટ-જૂનાગઢમાં કલેકટર તરીકે પણ ફરજ બજાવી હતી. છેલ્લાં લાંબા સમયથી ડેપ્યુટેશન પર હતાં. અગાઉ એરપોર્ટ ઓથોરિટિનાં ચેરમેન તરીકે પણ સેવા આપી હતી. 

ગુજરાતમાં મુખ્યસચિવ તરીકે તેમનું ચાલતું હતું નામ
થોડા દિવસ પહેલા ગુજરાતમાં મુખ્યસચિવ તરીકેની રેસમાં પણ તેમનું નામ આગળ ચાલી રહ્યું હતું. મહાપાત્રા પોતાની  અસરકારક કામગીરી માટે જાણીતા હતા. 

Extremely saddened to hear about the loss of Dr. Guruprasad Mohapatra, Secretary DPIIT.

His long-standing service and dedication to the Nation have left a lasting impact. I convey my deepest sympathies to his family and friends.

ॐ शांति pic.twitter.com/JFwZJFDE1b

— Piyush Goyal (@PiyushGoyal) June 19, 2021

મહાપાત્રાના નિધનના સમાચાર મળ્યા બાદ કેન્દ્રીય મંત્રી પિયુષ ગોયલે પણ ટ્વિટ કરીને શ્રદ્ધાંજલિ પાઠવી હતી.